Remsiami telna India Hmeichhe Hockey team chak zo ta lo!

Aizawl | August 6, 20201: Tokyo 2020 Olympics khel mek a Hockey Tournament ah India hmeichhe hockey team te'n Bronze Medal inchuhna game ah Champion lai Great Britain an hneh zo ta lo.

Inkhel hmuhnawm takah rin phak bak a khel tha leh thleng sang, India hmeichhe Hockey Team te'n game an tan that vak loh hnuah, 2nd Quarter ah an si phurh rawn sut in, Half Time ah 3 - 2 in hma an hruai a. Second Half ah Great Britain in tan rawn khawhin, Game tawp ah 4 - 3 in an chak ta zawk ani.

Mizoram State Sports Council chuan, "India Team te'n tun tumah medal rawn hawn thei ta lo mahse, khawvel huap a inelna sangber a tel pha Remsiami kan chhuang a, thathlah lova theihtawp chhuah zel turin leh hlawhtlinna nei zel turin duhsakna kan hlan a, a hnung zui turin Mizo thalai tam tak an la rawn chhuak zel ang tih kan beisei tlat a ni." tiin Instagram-ah an post.

Olympics lo awm tawh zawng zawngah, tun tum hi India Hockey hmeichhe team ten Semi Final an thlen vawikhatna a ni.

Post a Comment

0 Comments