Rajiv Gandhi Khel Ratna Award chu Major Dhyan Chand Khel Ratna Award a ni tawh dawn!

Aizawl | August 6, 2021: India infiammite tana chawimawina sang ber Rajiv Gandhi Khel Ratna Award chu tun atang chuan Major Dhyan Chand Khel Ratna Award tia hriat leh sawi a ni tawh dawn.



He thu hi vawiin khan India prime minister Narendra Modi chuan a puang.

He thutlukna hi India Hockey team (men) in kum 41 hnua Olympic medal an lak hnu lawka siam a ni a, Tokyo Olympics 2020 neih mekah hian India chuan Germay 5-4 a hnehin medal an la a ni. Moscow Olympics1980-ah khan India Hockey team hian medal an la a, khami hnu khan tun hi Olympc medal lak leh hmasa ber a ni.


Hmeichhhe team lam pawhin tukin khan Great britain lakah 3-4 in chak lovin 4-na an ni ve a ni.

He Award dawng tawhtite chu, Virat Kohli, hockey legend Sardar Singh, Sania Mirza, MS Dhoni, Vishwanath Anand, Dhanraj Pillay leh Sachin Tendulkar te an ni a, he award hian cheng nuai 25 a keng tel a ni.

"Major Dhyan Chand was among India’s foremost sportspersons who brought honour and pride for India. It is fitting that our nation’s highest sporting honour will be named after him," tiin PM Modi chuan a tweet.

Major Dhyan Chand hi India infiammi, india tana zahawmna leh hmingthanna hlawhchhuaktu a ni a, he award a hminga dah a ni tur pawh hi a phuin a inhmeh hle a ni.
Major Dhyan Chand hi Hockey Player niin Kum 1928 atanga 1936 chhung khan India tan ama ho hian Olympic gold medal pathum an lo hlawh chhuak tawh a ni. Kum 1956 khan India chawimawina sang Padma Bhushan hlan a ni a, a piancham August 29 hi kum tin India ram pum-ah National Sports Day atan hman a ni thin a ni.

Post a Comment

0 Comments