MZU-in UG result tichhuak; Zirlai 92.27% an pass - Gold medalist pali zingah mipa pakhat awm!

Aizawl | August 6, 2021:  Mizoram University Examinations Department chuan vawiin khan  Undergraduate (BA/B.Sc/B.Com leh B.Sc (Home Science) result a tichhuak a, final semester atangin 92.27% an pass.

Vawiin UG result chhuak-ah hian gold medalist zingah mipa pakhat leh hmeichhe pathum an awm a, Govt. Zirtiri Residential Science College-in gold medalist pahnih an nei!

B.Sc Home Science Gold medalist - K Malsawmsangi

Gold medalist-te hi Bachelor of Arts - Lalnunpuia Renthlei Pachhunga University College, Bachelor of Science Malsawmkimi Govt. Zirtiri Residential Science College, Bachelor Of Commerce Lalthazuali Govt. Hrangbana College leh Bachelor of Science(Home Science) - K Malsawmsangi Govt. Zirtiri Residential Science College  te an ni.

BA Gold Medalist - Lalnunpuia Renthlei

Tukin zinglam dar 9:00 khan Mizoram University chuan Undergraduate (BA/B.Sc/B.Com leh B.Sc (Home Science) Even Semester (2nd, 4th leh 6th Semester) Result a ti chhuak a, heng Semester ah hian zirlai 17,585 in Online exam an hmachhawn a, zirlai 17,019 in hlawhtlinna an chang a, za zela 96.78% in an pass a ni.

B.Com Gold Medalist - Lalthazuali

Final Semester bikah hian zirlai 4462 in exam an hmachhawn a, zirlai 4117 an pass a, pass hi za zela 92.27% a ni a, hei hi MZU din atang kan pass that tum ber a ni hial awm e.

B.Sc Gold Medalist - Malsawmkimi

Kumin Final Exam ah hian heng College- Govt, Saitual College, Govt. Zawlnuam College, HATIM leh St Xavier atang in ARTS stream ah zirlai exam zawng zawng (100%) an Pass a. Science Stream ah erawh chuan Lunglei Govt. College ti tha ber niin zirlai 98.25% an pass a ni. Commerce Subject bikah ah hian HATIM Leh Helen Lowry atangin zirlai zawng zawngin an Pass a, Home science subject, Govt. Ziritri Resdl College atangin Candidate zawng zawng an Pass bawk.

Mizoram University hnuaiah hian Undergraduate College 29 a awm a, chung zinga College 22 chu sawrkar enkawl college niin, Kohhran College 4 leh mimal College 3 an inziaklut mek a ni.

Kumin UG exam a titha zualte:

Zirna kaltluang pangngai bakah hian Mizoram University hnuaiah hian Professional Course 14 in    ziaklut nei mek a.   Heng zinga course thenkhat chu hian vawiin vek khan Result puan a ni  Bachelor of Computer Application(BCA) Final result tichhuahah, zirlai 93 exam niin,  zirlai 77 in Pass a, za zela 83.69% in an pass a ni. Heng Course MCA, BBA leh Bachelor of Social work (BWS ah te hian result puan ani tawh bawk a, MCA ah 93.75%, BBA ah 90.91% leh BSW ah 96.97% te an pass bawk.

MZU Controller of Examinations, Prof Lalnuntluanga chuan, hripui kan hmachhawn mek laia, exam hlawhtling taka neih theih a ni chu lawmawm a tih thu a sawi a, hemi atana taima taka exam hmachhawntu zirlaite leh tha leh zung seng a, paper endik hna thawktu College teacher te chungah lawmthu a sawi bawk.

MZU hnuaiah hian College 29 awmin eng zinga 22 hi sawrkar ta niin,  4 chu kohhran enkawl niin, private 3 a awm thung.