Aizawl | August 27, 2021: Mizoram Police leh an thawhpui agency te tangho chuan nimin khan Joint Narcotics Operation neiin Methamphetamine mum nuai nga (5) chu Truck (CRX 1512) registration no. NL-01A E-0243 atangin Buichali lei bul, Sairang daiah an man.
Mizoram Police thuchhuahin a tarlan danin, Methamphetamine an man hlutzawng hi tualchhung rate -ah cheng vaibelchhe sawm(10) man hu niin international smuggling rate -ah chuan cheng vaibelchhe sawmhnih panga (25) man hu a ni.
Heng bungraw phurhna Iirthei khalhtu leh mawhphurtu ni bawk Mantu Kumar Deb (45) S/o MK Deb, Karimganj, Assam leh second driver Subhas Das (33) S/o Sumesh Das, Karimganj, Assam to chu man niin thubuai siamsak an ni.
Hemi chungchangah hian Special Narcotics PS Case No.20/21, Dt. 26.8.21 U/s 22(c)/29 ND&PS Act ziah luh niin chak taka chhui zui mek a ni.
Post a Comment
He post chungchanga i ngaihdan lo sawi ve rawh: