Mizoram Police hnuaiah SI leh Constable hnaruak awm angin thu dik lo leh inbumna darh!

Aizawl | August 17, 2021: Tun hnai maiah Mizoram Police hnuaia Sub Inspector leh Constable hnaruak awm dil theih angin thu dik lo a thang mek niin Mizoram Police chuan an tarlang a, hetiang titu hi chhuichhuak turin hma an lak nghal thu an tarlang tel bawk.





Mizoram Police thuchhuahin a tarlan danin, webpage pakhat www.fresherjobnearme.com -in link, https://fresherjobnearme.com/mizoram-police-jobs/ hmangin a thehdarh mek a. He webpage -ah hian Sub Inspector leh Constable hna (contract/consolidated pay basis) online hmanga dil theih a nih thu Mizoram Police-in notification a chhuah anga ziah a ni a. Hei hi thu dik lo leh inbumna a ni tih kan inhriattir a ni.




Mizoram Police-in hetiang hnaruak dilna advertisement hi engmah chhuah a nei
lova, he advertisement lem thehdarh mek lakah hian fimkhur turin mipuite kan inngenin kan inhriattir a, he thu dik lo thehdarhtute hi chhuichhuak turin hma lak nghal a ni.

Post a Comment

0 Comments