LADC-ah CEM thar nei leh ta; CEM thar atan V Zirsanga

Aizawl | August 27, 2021: Lai Autonomous Distrtict Council (LADC) CEM thar atan vawiin khan Paithar bialtu MDC  V Zirsanga chu chuh buaitu awm lo in thlan/ruat thar a ni!


LADC MNF sawrkar CEM Manghmunga Chinzah kaihhruai sawrkarin bukna  nimina a paltlang zawh loh hnuin vawiin khan CEM thar tur hi lakluh a ni.

V Zirsanga hi Manghmunga Chinzah CEM hnuaiah khan LADC Chairman a ni a, Paithar bial atanga thlan tlin a ni.

LADC-ah hian thlan MDC 25 leh ruat seat 4 a awm thei a, CEM thar an neih takah hian ruat seat luahtu MDC te hi tihdanglam a ni dawn em tih hriat a ni lo!



Tihdikna:
Lak luh hi a la ni chiah lo va, 'thlan a ni' tih mai tur a ni. Vawiin khan house leader tur hi thlan a ni a, nomination file 2 awmin, pakhat zawk lam hian lungawi lova house an chhuahsan hnuah session hi kal tlangpui zel niin, Pu V. Zirsanga hi chuhtu awm lova tlinga puan a ni ta a ni.
Inthlan result hi Governor-ah report a ni phawt ang a, Governor-in appointment a rawn pek hnuah DC-in emaw Governor aiawhin a la lut chauh dawn a ni.

Post a Comment

0 Comments