Aizawl | July 24, 2021: 4th Youth Boxing National Championship 2021 neih zawh takah Mizoram Boxer te Silver pakhat leh Bronze pahnih nen lo haw dawn.
Silver pakhat hi Laldinsanga hnekchhuah niin, Bronze pahnih hi hmeichhe pahnih; Naom Chhingsannuami leh Ruthi Lalhmingthai te hnekchhuah a ni.
Laldinsanga Ramthar Lunglei chu 4th Youth Boxing National Championship 2021 neih zawh takah kg 54 Huangah silver medal a hnek chhuak.
Laldinsanga hian mi pali hnehin final a lut a, finalah hian India no 1, Maharashtra / Sports services control board (SSCB) boxer Victor chu split decision 2-3 in a hneh zo ta lo a ni. A opponent te ah hian International gold medalist leh National champion te an tel a ni.
Women's ah hian Ruthi Lalhmingthai chuan in Semi final ah Aarti Dhariyal UTK chu 2-3 a hneh lo in bronze medal a la a, Naom Chhingsannuami pawn semi Final ah Neelam Singh UP chu split 2-3 in hneh lo in bronze medal ala a ni.
Laldinsanga, Naom Chhingsannuami leh Ruthi Lalhmingthai te hi National Camp-ah koh nghal an ni.
Lalrindanga leh a tumpuipa inhnek hi a hmuhnawm hle a, Round 1-na ah India no.1 hi vawi hnih lai a hnek tlu a, Laldinsanga hi chak zawk tura ngaih a nih laiin a chak zo lo a ni.
Thu dawnna chuan judgement dik zan loh vang in a chak zo ta lo a, Laldinsanga hi BEST CHALLENGER a thlan a ni, tiin a tarlang.
4th Youth Men's and Women's National Boxing Championship/ Asian youth men's and Women's championship Selection ni bawk Sonapet Haryana a khelh ah hian Mizoram Boxing Association chuan covid19 vangin boxer te hi inbuatsaihna hun pawh nei lo in boxer Pakua a tir a. Boxer Mipa 5 leh hmeichia 4 te hi coach Andrew Zonunsanga leh B Lalhriatpuii te'n an hruai a ni.
Mizoram team hian July 26 hian Delhi atangin an lo haw ang a Boxing Hall Ramhlun-ah Quarantine nghal an ni dawn niin thu dawn a ni.
Laldinsanga a va chhuanawm em! A kal zelna turah Pathianin vengin hruai zel rawh se.
ReplyDeletePost a Comment
He post chungchanga i ngaihdan lo sawi ve rawh: