Aizawl | July 5, 2021: IOCL revised Retail Selling Price tihchhuah angin, Food, Civil Supplies & Consumer Affairs (FCS&CA) chuan Mizoram chhungah 14.2 Kg Domestic Subsidised Rate leh 19 Kg Commercial Rate chu July 1 atanga hman tan turin a bithliah thar.
 |
| Pic | IndiatvNews |
Sawrkar thuchhuah ang chuan heng gas man hi LPG Distributor awmna khua hrang hranga LPG Rate thar tur a ni a. IOCL-in Retail Selling Price a siam anga siam a ni.
KG 14.2 Domestic chu Vairengte-ah cheng 978 niin, Vairengte tih loh Mizoram pum-ah cheng 986.50 a ni thung ang.
A bur lian chi, KG 19 Commercial chu Vairengte-ah cheng 1885.50 niin, Mizoram pum-ah cheng 1926.00 a ni thung ang.
KG 14.2 te hi Home Delivery a hralh dawn chuan cheng 70 belh zel tur a ni a, Showroom/Godown a hralh dawn erawh chuan cheng 27.60 zel paih thung tur a ni. Point Delivery a sem chhuah a nih chuan a chunga rate tarlan bakah cheng 7.53 belh tur a ni.
FCS&CA Office Order No. 1.21011 /l(A)/2008/DTE(SPY) dt. 25.11.2014 a LPG Distributor tin te chawm tur khua leh an hlat zawng tarlante, Order No.1.21011/1(C)/2010/DTE(SPY) Vol. II dt. 21.1.2015 a Km zat leh pawisa chawi belh ngai zat tarlante hmangin a chunga rate tarlan nen a chhutchhuakin LPG Distributor ten an huamchhung theuh khuaah Gas an sem thin ang.
Hun laklawhah IOCL lamin a rate an tidanglam leh a nih pawhin instruction tarlan ang hian kalpui zel tur a nih thu FCS&CA Order ah hian tarlan a ni.
A rate bituk zat(Rs. 1050)leh belh thei zat (point delivery Rs. 7.60)aia a man sang a hralh thin distributor chungah action lakdan a awm em?
ReplyDeletePost a Comment
He post chungchanga i ngaihdan lo sawi ve rawh: