Naupai lai tan COVID-19 vaccine lak theih thuai dawn!

Aizawl | July 5, 2021: COVID-19 vaccine chu Mizoram-ah pawh naupai lai tak a lak theih thuai dawn.

raipuar

Sawrkar thuchhuahin a tarlan danin, Ministry of Health and Family Welfare, MoHFW, Govt. of India chuan naupai (raipuar) mek te Covid-19 vaccine pek theih tawh a ni tih July 2, (Friday)-a a rawn puan tawh chu Mizoramah ngei pawh a taka hman thuai a nih theih nan chak taka hmalak mek a ni, hemi atan hian theihtawpa hmalain Inrinni leh Pathianni pawh chawl lovin orientation/training inpek char char a ni.

MoHFW ruahmanna siam angin July 6 (Thawhlehni) ah State leh Districts tan Orientation a rawn buatsaih dawn a ni.

Sawrkar chuan, hemi hnuah chauh naupai mek te ah Covid-19 vaccine hi pechhuak tura a tih avangin dawhthei taka lo nghak turin Health Department chuan mipuite a ngenin a hriattir a ni.  

Post a Comment

0 Comments