MGNREGS hnathawhna-ah Grenade bomb laichhuak?

Aizawl | July 5, 2021: Vawiin khan Lunglawn-a Niza inhlawhna-ah Grenade bomb an laichhuak niin thu dawn a ni.

Thudawnin a tarlan danin, Heng grenade bomb-te hi Lunglawn, Lunglei a MGNREGS hnathawhna Rain Water Harvesting Tanky laihnaah laih chhuah a ni a. Bomb laihchhuah zat hi pariat a ni.

Lunglawn VCP Pu V Vanlalhriata hnen atanga thu dawn danin, Heng bomb laihchhuahna hi Lunglawn 3 gate hnuai-a MGNREGS hnathawhna Rain Water Harvesting Tanky laihnaah a ni.

Pu Hriata chuan, "July 2 zirtawpni tlai lam dar hnih thum bawr vel khan a ni a, ft 3 bawr velah pakhat lai chhuakin, ft khat a khuar leh hnuah pasarih kan laichhuak ta a ni."  a ti.

An laichhuah hmasak ber erawh chu a chhiat avangin an paih nghal thu sawiin, a dang pasarih erawh mi thenkhatin in lama an hawn hnu-ah khawm lehin, Police kutah hlan a nih tawh thu Lunglawn VCP Pu V Vanlalhriata chuan a sawi.