Aizawl | July 5, 2021: Vawiin khan5th July, 2021 hian World Health Organisation India chuan Mizoram Sawrkarin COVID-19 a dona atan Oxygen Venturi mask 1500 leh Nasal Cannula 6000 a pe a. Hei bakah hian a hmaa Oxygen concentrator 150 a lo pek tawh spare part bawm 150 a rawn pe tel nghal bawk.
Vawiina WHO in Mizoram sawrkar hnena a pekah hian naupang leh puitling hman tur chi awm hrangin COVID-19 vei oxygen mamawhte tana hman tur a ni dawn a. Heng bungruate hi Dr.Lalhlimpuii, Senior Medical Officer, WHO-in Principal Director Dr.F.Lallianhlira kutah a hlan a ni.
Dr.F.Lallianhlira chuan WHO India hnenah lawmthu sawiin "Mizoram state dinhmun hria duhsakna lantirtu WHO India chungah leh hmalakpuitu Dr.Lalhlimpuii chungah lawmthu a sawi a, he an tanpuina hian COVID-19 damlote tan rah tha tak a chhuahsak ngei a beisei tih a tarlang bawk.
Post a Comment
He post chungchanga i ngaihdan lo sawi ve rawh: