Aizawl | July 31, 2021: Non - Government Nurses Association of Mizoram (NOGNAM) chuan vawiin khan thuchhuah siamin sawrkarin staff nurse a lak thar tura hlawh a bituk cheng 22,000 chu beitham an tih thu tarlangin, sawrkar chu tisang turin an ngen.
NOGNAM chuan nurse hlawh tur cheng 22,000 chauh bituk hi an hna zah lohna nia an ngaih thu sawiin, Nurse hlawh hi cheng singli aia hniam lova siamṭha turin sawrkar an ngen a, siamṭhat a nih hma chu nurse hna dil tumte pawhin dil rih lo turin an ngen bawk a ni.
NOGNAM thuchhuahin a tarlan danin," July 30, 2021 a Directorate of Hospital &Medicsl Education (DHME) in circular a tihchhuah a dedicated covid health centre a thawk tura staff nurse hlawh a ruahman sak chu NOGNAM chuan beitham kan ti hle a, hei hi nursing profession inzahsak lohna ah kan ngai a, DHME hian staff nurse hlaah hi cheng 40,000 aia hniam lo a a siamṭha a nih loh chuan NOGNAM chuan tumah dilba thehlut lo turin kan inngennin kan inhriattir a ni e." tiin an chhuah a ni.
Hemi chungchanga EXPLOREMIZORAM.COM zawhna chhangin NOGNAM preisent Joseph Lalnunmawia chuan, "Department lamah chuan kan la thlen chiah lo," a ti a. "hotute pawh hmuh kan tum ang, a hmasa berah chuan lo dil lo tura inhrilh hriat hi a pawimawh ber a," tiin a sawi a ni.
Post a Comment
He post chungchanga i ngaihdan lo sawi ve rawh: