Aizawl | July 30, 2021: Mizorama K Pop ngainatute chuan an lo kalpui tawh angin zanin hian twitter strom #supportmizorampolice an kalpui leh.
He an thil kalpui hi awmze nei takin zanin dar 8 aṭang hian an ṭan dawn a ni.
Nimin leh nimin piah velah Assam CM PR team te an lo chhaihbuai chiam tawh a, tun ṭum pawh hi an tibuai leh viau tura ngaih a ni.
Mizoram K-Pop Fan Club te he thilah hian fak an phu a, fak phu chu fak mai ila, zilh an ṭulnaah inzilh leh mai ila, chu chu a kalphung tur a ni.
Kan ṭhalai, Korean ngaisangtute'n hnam hmangaihna thinlung an tihlanna hi thlawp ila, an hming ṭhatna tur hi ui lovin fak ila, fuih phur ila, kan thlawp thei lo a nih pawhin sawisel kher lovin ngawi mai ila, k-pop an ngaihsan hi sam tih sen emaw kekawr hak zuih emaw ringawt ni lova a ṭha zawnga an kalpui zel theih nan leh an ngaihsan zawngte thawhrimna leh chhelnate entawn turin i fuih sauh sauh zawk ang u.
Mizorama K Pop ngainatute hian ngaihsan leh duh zawng hrang hrang an nei a, an lo iner em em ṭhin a, mahse, ramri chungchangah erawh an ṭangrual pat a. Chuan, K Pop ngaisangtute hi Army an ti vek lova, BTS ṭantute chauh hi Aemy tia sawi an ni tih te, Blackpink ṭantute chu Blink chutiang zel chu a ni tih te hi kan hriatpui a ṭha awm e.
A ṭha ka va ti em,a ṭul hun a hetiang taka ṭhalaite kan han ṭangrual han hmuh hi chuan, patling, ral hma a zam ngailo pawh, kan mittui a tla mai dawn alawm le..k.pop fans te ṭang zel rawh u, fight for mizoram and mizo nation..
ReplyDeleteAn hmalakna hi ka thlawp tlat a ni.
ReplyDeleteTanrual hi chakna a ni a,kpop fans te third party angin Himanta lo chhaih buai leh teh se, an lawmawm a, an chhe lo em em vek bawk e😀keep going, aza aza fighting👊
Post a Comment
He post chungchanga i ngaihdan lo sawi ve rawh: