Ticker

10/recent/ticker-posts

HERE COMES THE SUN

- C Lalṭhazuala

Kum 1969 kum chu  Liverpool  pum chhuak rock n roll band ropui  the beatles ho lar vanglai tak a ni awm e.khawvel technology hmasawnna chuan bung thar keuvin, TV programme chu khawvel pang leh lam leh lamah a ruala en theih tura satellite hmanga thawn chhuah a ni ta, chu chuan The beatles ho larna a tizual nasa hle.


The Beatles Lead guiturist  George Harrison-a chuan he mi kum(1969)a  England ram thlasik chu kum dang zawng aiin rei a ti a, chu thlasik chu her liam thuai thuai se, nipui hun nuam leh hlimawm chu in ṭan leh tawh se,  england rama ram tin maia vur tla khawn var zei zui te chu nipui boruak chuan rawn ti tuiral tawhse a ti hle mai a.

"Here come the sun" tih hla hi the beatles lead guitarist George Harrison-a, the beatles band member zinga naupang ber chuan a phuah ta a ni.

A naupang ber a nih vang nge, kum 1966 aṭanga the beatles album tihchhuah hovah George Harrison-a hlaphuah an telh tlem em em a, John Lenon-a leh Paul Mc Cartney-a hlaphuah te chu the beatles album a hla tam ber anni zel a ni.

Amaherawh chu the beatles band member zinga thawmna lo ber anga khawthlang lam chanchinbu lian ten an sawi fo," leh  nungchang ti zawk zawk lo bera an sawi ṭhin George Harrison-a hlaphuah, the beatles albuma tel ve ho-"Here come the sun" "while my guitar gently weeps" "taxman" "for you blue" "without you" "something" tih te chu a hunlaia the beatles hla lar an tling pha vek a, a bik takin, "Here come the sun" tih hla leh "while my guitar gently weeps"tih hla te leh "Something" tih hla phei chu khawvel hla lar, hla chuai ngai tawhlo tur an tling phaka, he hla pahnih bik hi chu khawvel musician lar leh zaithiam lar te sak rawn a rawn tling chho phak ta a ni.

1969 kum chu tuma han el phak rual loh a khawvel band ropui annih lai a ni bawk nen, The beatles lead guitarist  George Harrison-a chuan thlasik boruak hreawm tak chu hahchawlh nan a hmang thei tak tak chuang lova, business meeting hrang hrangah a intahtawla a telve sek zawh hnuah, intithawveng tura a ṭhianpa, British ṭingṭang perhthiam hmingthang,  Eric Clapton-a chenna In lama a lenna lamah he hla mawi em em mai hi a phuah ta a ni.

He hla "Here come the sun" recording studioa an record ṭum hian car accident a a inhliam lai tak a nih avangin John Lenon-a chu a telve theilo nghe nghe a ni.

He hla hi tlangzarh a nih phat aṭangin khawvel pumah mite duhrawn a rawn ni nghala.The beatles kehdarh kuma, George Harrisona'n "Concert for Bangladesh " New York khawpuia Madison Square garden a a huaihawt ṭum khan a sa nghe nghe a, kha hla a lar vanglai vel a ni bawk a mite lawm a hlawh ṭiah ṭiah hle a ni.

Post i hmuh dan

Post a Comment

0 Comments