COVID-19 | AMC area test runpui kalpui tur atan inbuatsaih; thawktu lak tharte hnenah zirtirna pe

Aizawl | July 19, 2021:  Nimin khan State Field Laboratory Unit, IDSP, Directorate of Health Services hmalaknain DHS Conference Hall, Dinthar Vengah Aizawl khawpui inkharkhip chhunga sample test runpui (mass testing) neih tura thawktu tur lak tharte hnenah inzirtirna pek a ni.


Aizawl Municipal Corporation (AMC)area inkharkhip chhunga Mizoram sawrkarin COVID-19 Mass Testing a kalpui tura thawktu tur mitharte hnenah training (inzirtirna) pek a ni a. Mass testing atan hian sample la tur Laboratory Technician leh report buatsaihtu tur Data Entry Operator (DEO) mi 50 vel Sawrkar leh Aizawl City Local Council Association tangkawpin an ruahman a ni.


COVID-19 State Nodal Officer Dr. Pachuau Lalmalsawma kaihhruaina hnuaiah training hi neih niin Lalfakzuala Pautu, Entomologist, Dr Lalrintluanga, Epidemiologist, Yogesh Malvi, State Microbiologist, IDSP leh thawktu dangten zirtirna an pe a ni.

Post a Comment

0 Comments