Aizawl | July 19, 2021: Thu leh hlaa tui leh taima tak mai, thuziak bakah hla pawh phuahtu K Lalreia (82) chu nizan 7:10 vel khan a boral.
K. Lalreia (82) Upper Republic, Aizawl cheng hi Thu leh hlaa tui, Kristian Hla Bu No. 126-na 'An hril Bethlehem daiah chuan zai mawi ri' tih hla phuahtu a ni a, a tu leh fate a kalsan a ni.
K Lalreia hi Mizoram a video-a thlalak tui hmasa leh heti lama tha leh zung lo thawh tawhtu niin, Mizoram Film Forum chuan a boral hi an ui thu thuchhuah siamin an tarlang a.
"Pu K.Lalreia hi Information Officer anih laiin Remna Thuthlung ziah a ni a. Amah ngei hi Mizoram ramri Parva piah thlengin Video thla lain a kal a, amah avang hian Remna Ni Video hlu tak Mizoram in kan neih theih phah a ni." tiin MFF chuan an tarlang bawk.
K Lalreia hi Mizoram Baptist Kohhran-ah lawiin, BCM Central church, Upper republic-ah an lawi a Kohhran rawngbawltu tha tak a ni.
MIZORAM FILM FORUM
Mizoram a video-a thlalak tui hmasa leh heti lama tha leh zung lo thawh tawhtu Pu K.Lalreia, kum 82, Upper Republic veng in zanin ni 18.7.2021 dar 7: 10-a Chatuan ram min pansan ta hi Mizoram Film Forum chuan pawi kan tiin kan ui tak zet a.
A kalsan tak a tu leh fate Pathianin awmpuiin thlamuan se tih hi kan tawngtaina a ni.
Pu K.Lalreia hi Information Officer anih laiin Remna Thuthlung ziah a ni a. Amah ngei hi Mizoram ramri Parva piah thlengin Video thla lain a kal a, amah avang hian Remna Ni Video hlu tak Mizoram in kan neih theih phah a ni.
Issued by:.
MIZORAM FILM FORUM
Mizoram:Aizawl
Post a Comment
He post chungchanga i ngaihdan lo sawi ve rawh: