THIHNA

I hmâ thlîra i thlîr hmaih,
Duh thu i sâm a i sám tel duh loh;
I nun hloh hlaua i hlauh,
Duh lâi chân tûra i chângtu duh loh,
Bul tan nâna tâwpna thlentu che ka ni.
Hlimna tlângah tahna ruam,
Hlaua i hnâwl sâwm loh khual huai chu;
Thimna ata ênna nuam,
‘Rau khawvêla lei ram thlahtîrtu chu;
Tâwpna hmuna bul tanna thar chu ka ni.
Hnartu dan zawh loh pantu,
Tahna lalpa- lungngaihna lal tiang keng a;
Mar phu tâwp nghäka dawmtu,
Zahna nei lo hlauhnaa ro rêl a;
Chatuan nun i neih nâna THIHNA ka ni.
Hringmi tah’ kei ka lâwmna,
Ka ri mâwi pawh THIHNA DÂR.

(Note: Poetical Techniques chi hrang hrang ka chawhchawrawi a. Meter ka hman dânah pawh trimester, tetrameter, etc., ka hman pawlh nual. A lam bi kim that nan Ri thupna (Apostrophe) ka hmang bawk, a rizûl (flow) siam nan modification ka hmang bawk a, chu chuan sequential rhyme-a single/masculine rhyme leh double rhyme hman a ti awlsam a. Beginning rhymes leh ending rhymes siam nân a tha hle. Rhyming scheme-ah hi chuan a bîk takin Ri zûl kâr thlâk (Alternate/Cross) ka hmang zeuh bawk a, chutia ka ziak a nih loh chuan ri inzûl tluan parh (perfect rhyming) ah chuan ri máwi satliah awm ze boin a chhuak dâwnin ka hria a. Pu Arnold-a’n high seriousness a tih kha a a hliah si chuan pâwn lam mâwina chauh chu Nula hmel tha tak mâwl deuh ang lek a ni mai ang. A tlar bul leh tlar tâwpna ri inzûl dân chu ababc angin an kal a. A châng tâwpna tlar thum erawh thihna bawhhla (epilogue) ang deuh a ni e. Ka lâwm e.)

- K Vanlalneihpuia,

BA 6th Semester, Govt Aizawl North College

1st Prize in Poetry Writing Competition (Mizo) Organised by Students Union of Govt Aizawl North College, 2021

In Association with - EXPLORE MIZORAM

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

(Website leh a hnuaia fakna hi lo hmet ve rawh.)

THIHNA

Post a Comment

Post a Comment

Contact Form

THIHNA

I chhiar tel duh turte

Post a Comment

Post a Comment

Contact Form