LOVE LETTER: Ka Hmangaih

Ka hmangaih 

        Min la hre ve ang chu tiraw, hun tam a liam ta, i  tello a nun han hman zet zawng ava hah dam thlak loh tehreng em, Ka ngai che a ni, tiang em hian a ni maw ka lo hmangaih che ni,ka ngaih em che vangin ka zawi ngawih ngawih a,chaw pawh ka ei theilo a,damdawiin ah min dah a,mahse nangmah ah lo chuan damna ka hmu thei ngai dawnlo, chuvang chuan he thu hi ka rawn ziak a ni.
ka mit ka chhing riai riai a,  nangmah chauh, ni e, nangmah chauh ilo lang thin. Kan sulhnu te chhuiin beidawng takin ka leng vel a, alo la ngai reng mai mahse nang erawh i danglam tawh si.. Ka rilru a nâ takzet mahse kaltir tu che ka ni si, ka kal tir che kha ka nuna ka tihsual lian ber a ni asin, I thusawi kha ila hria em? "Engtikah emaw chuan lo kor duh hun i nei nga, chutih hunah chuan nangmah zawkin min kal tir tih i hrereng dawn nia" min tih kha,hei a hun a thleng ta asin.
Lo let leh thei la ka va ti em,mahse midang ta ini tawh si, tiang em em hian a ni maw ka lo hmangaih che ni, hmangaihna awmzia ka hrethiam ta niin ka hria, hmangaihna hi  kan thawnthu ang hi anih si chuan hmangaihna hi ka tan anchhia a va ni tehlul em.

A tawp nan ka hmangaihna che hi a nunrawng pawh iti mahna,mahse i hmangaih nen hlim turin duhsakna ka hlan thei ngai dawn lo che.. mahse hei hi min hriat sak la ka duh ,ka hmangaihna che hi ka fam pui dawn anih hi,Pialral ah tal chuan khuanu hian kan awm dun hi rem a ti ve tawh mahna. MANGTHA LE

Nang Hmangaihtu che,

- Lalchhuanmawii
2nd semester


1st Prize -in Love Letter Writing Competition (Mizo) Organised by Students Union of Govt Aizawl North College, 2021

Media partner - EXPLORE MIZORAM



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post