TBCC TEST RUNPUIAH MI 602 NEGATIVE VEK!

Aizawl | 25th June, 2021: Vawiin khan Sakawrtuichhun rama Tawngtai Bethel Camping Center-a awm mi 602 te chu Medical Team ten luchilhin test runpui an nei a, he serial test kalpuiah hian TBCC-a campers leh thawktu zawng zawng mi 602 te RAT hmangin test an ni a, an zavaiin an NEGATIVE vek a ni!


Hripui leng avangin chhungkaw tam takin an tu leh fate hri laka an him beiseina avangin TBCC-ah hian an dahlut nasa hle a. Muanna veng TNT hmunpui hripuiin a luhchilh takah chuan tunhnaiah mi thar lak luh an ti tawp rih.



Mihring heti zat hripui laka an him hi an lawm em em mai a. Pathian fakin an au a, a then an tap bawk a, Pathian thlarau thianghlim awmpuina leh a venhimna an chan chu ropui an ti a ni. Pathian venhimna an chan lawm nan, naktukah hian an vawk vulh zinga a lian ber talh an tum.

- MSR | Vanneihthanga


Post a Comment

He post chungchanga i ngaihdan lo sawi ve rawh:

Previous Post Next Post