India Sr Men Basketball Team National coaching camp a tel turin Mizo pahnih thlang

Aizawl | June 25, 2021: Indian Sr. Men's Basketball Team National Coaching a tel turin Mizo mipa pahnih Lalrina Renthlei leh K Lalthianghlima te thlan an ni.



FIBA Asia Cup 2021 Qualifying khel rura inbuatsaih nan National Coaching Camp a tel turin Tuikhuahtlanga cheng Lalrina Renthlei leh Missionveng a cheng K Lalthianghlima te chu thlan an ni.

Thlan an nih thu hriattirna lehkha hi vawiin khan Basketball Federation of India chuan Mizoram Basketball Association hnenah an rawn thawn a ni.




Heng Mizo player te hi COVID-19 test negative result nen June 30, 2021 hian Sree Jayprakash Narayan National Youth Centre, Vidyanagar ah in-ripawt tura hriattir an ni.

Heng Mizo player-te hi Mizoram Sports minister Robert Romawia Royte pawhin Instagram kaltlangin duhsakna a hlan.



Lalrina Renthlei leh K Lalthianghlima hi FIBA Asia Cup 2021 Qualifying Tournament lo awm tur atana inbuatsaihna camp neih turah Sree Jayprakash Narayan National Youth Centre, Vidyanagar-ah an training/camp dawn a, June 30 aṭanga July 26 thleng an camp dawn a ni.

Mizoram Basketball Association chuan instagram-ah "Final selectkon a an tel ngei theih nan ṭawngṭaina nen pui ṭheuh turin Mizo mipuite kan ngen a, theihtawp chhuah turin Mizoram Basketball Association chuan duhsakna sang ber kan hlan a ni," tiin post an siam a ni.


Lalrina Renthlei hi Zarkawt BCA a khel lai niin, K Lalthianghlima hi Khatla TBL a khel a ni bawk.

Post a Comment

0 Comments