MSU-in College admission fee sawrkara revenue chhûn luh tihtlem leh college mamawha hman theih a dah rawtna Chief Minister-ah thlen

Aizawl | June 11, 2021: Mizo Students’ Union (MSU), General Headquarters, Aizawl chuan College zirlaite admission fee pêk aṭanga sawrkara revenue chhûn luh ṭhin chu tihtlem a nih theih nan leh college tinin anmahni mamawha an hman theih nan dah turin Chief Minister hnenah rawtna an thlen.




MSU chuan Mizoram College hrang hranga zirtirtu indaih lohna leh School building leh infrastructure mamawhna enin zirlai fees aṭanga sawrkara sum chhûn luh chu a tam hle niin a ngai a. Higher Secondary School fees-ah zirlai pakhatah ₹100/- zel sawrkar revenue-ah chhûn luh a nih laia College zirlai pakhat zel aṭanga ₹1,320/- chhûn luh a ni hi college mamawhna te enin a sâng hle a. Heng sum chhûn luh aṭang hian Tuition fee hi a nihna ang taka hman a nih theih nan sawrkar revenue-a chhûng lût tel tawh lova, College tinin anmahni mamawh leh zirlaite tana pawimawhah an hman nghal theih nan dah ni zawk se MSU chuan an duh a ni. 

MSU-in zirna in, zirlai leh zirtirtute tana hma a lâknaah hian Mizo mipui thlâwpna an ngên a ni.

Post a Comment

0 Comments