Ruahṭhamloh di,
He thu i chhiar tur hian a phu tawk hmel hmachhawn turin ṭhâl khaw sâ vawi tam alo do dai tawh asin. Mahse sawichhuahna tham tling khawpa hmelṭha nangang hmelpu a tawng mai si lo. Tunah erawh zawng, ṭau thla pâr ianga i fawhhmui vâm ham mai a'n siksawi kual bik tur hi chu thu mai mai mah ni se ka thik teh asin.
Mawina leh ṭhatna tinreng senghawitu i nih vang nge ni, thiam hlo ngaithlaa ka hmaa i ṭhut changte khan e, khawvel mawinate'n min hnuchhawn ta nimai hian ka hre ṭhin.
Tawn loh kâr rei hle mah se ka tan chauha i rinawmna chuan min va han tihlim tehlul em, sawntlung khaw lum kârah hian ka chhungril i luah vawt raih mai. Kâr mah hla se leng dang tâwnah hawilopar ngei chu lo tawn la, i silh ziaâm phena Siamtu malsawmna hlu kha ka tan lo vawng him reng ang che aw. Mi fate chuan paltlang hnu
Kawng zawh nuam ti zawj mah se kei erawh chuan tuma la tlawh pawh loh ram nuam tawn tlang chu nuam ka ti zawk dawn si a.
Chinghne rualina an hual beh beram mal tlâ ang mai hian i aidi zûnzâmte chuan min hual vel a, tal chhuah ngaihna reng a awm si lo. He berami a pu a ngai em em ang hian ka ngai vawng vawng che a sin. Chuang bang iangin min hnawl mai lo la, thlang khuan lo dim lul suh. Zan khua a tlaia vanzawla siar an kaisa poh leh a mawi ang khian tawn loh kar a rei poh leh tiam biahthu a chiang a, nang ngaih a zual leh sauh ṭhin. Lunglen hi a ziaha ralthei chu ni se ka ziak kur ngiai nguai mahna. Engpawh chu lo ni se heti hian ka han delhkilh dawn a nge, chung Khuanu zarah damte'n laitual lo mawi la. Tunah chuan i kiangah ka awm thei lo a ni mahna, hei hi lo hre reng ang che aw, tih tur ṭul ṭhulg ṭhak khawpa nangmah hnaihtu che chuan a duh nangiang che a, sah kuak loh rama la palpui ngei ang che.
Amaberawhchu, i khianga awm thlahlel hle si a, faisa i rin theuh nana kawng bumboh hrût mama hlat hmasatu che hi min dawn la, phâi khaw lum kara ka hrehawm tawrh hi ka dî ṭhenna mai chantir lul suh aw.
Keimah ngaia lungleng inih ve chuan e, ka thaikawi bâwngte hi i ṭangnemah pawm vawng vawng nang che. " Âw ka thaikawite ka va han awt tehlul che em, ka luah loh ṭâng nêmah i bei bîk dawn chu a ni si a".
Aw le, zan khua pawh a lo rei ta, chung chhawrhthla pawh thlang lenkawlah a herliam leh dawn e. Muangte'n zân mu lo chhing la, kei ka zân mu tur rilrua ngaihtuah tam tak ka neih lai hian i ṭhatnate chuan ka suangtuahna luah khat leh ṭhinin min tihlim ṭhin.
Chullo ka thliah thlenga i tân chauha rinawm reng tur, i Lianmâma.
Nicky Lalramchhuana 2nd Semester
Mawina leh ṭhatna tinreng senghawitu i nih vang nge ni, thiam hlo ngaithlaa ka hmaa i ṭhut changte khan e, khawvel mawinate'n min hnuchhawn ta nimai hian ka hre ṭhin.
Tawn loh kâr rei hle mah se ka tan chauha i rinawmna chuan min va han tihlim tehlul em, sawntlung khaw lum kârah hian ka chhungril i luah vawt raih mai. Kâr mah hla se leng dang tâwnah hawilopar ngei chu lo tawn la, i silh ziaâm phena Siamtu malsawmna hlu kha ka tan lo vawng him reng ang che aw. Mi fate chuan paltlang hnu
Kawng zawh nuam ti zawj mah se kei erawh chuan tuma la tlawh pawh loh ram nuam tawn tlang chu nuam ka ti zawk dawn si a.
Chinghne rualina an hual beh beram mal tlâ ang mai hian i aidi zûnzâmte chuan min hual vel a, tal chhuah ngaihna reng a awm si lo. He berami a pu a ngai em em ang hian ka ngai vawng vawng che a sin. Chuang bang iangin min hnawl mai lo la, thlang khuan lo dim lul suh. Zan khua a tlaia vanzawla siar an kaisa poh leh a mawi ang khian tawn loh kar a rei poh leh tiam biahthu a chiang a, nang ngaih a zual leh sauh ṭhin. Lunglen hi a ziaha ralthei chu ni se ka ziak kur ngiai nguai mahna. Engpawh chu lo ni se heti hian ka han delhkilh dawn a nge, chung Khuanu zarah damte'n laitual lo mawi la. Tunah chuan i kiangah ka awm thei lo a ni mahna, hei hi lo hre reng ang che aw, tih tur ṭul ṭhulg ṭhak khawpa nangmah hnaihtu che chuan a duh nangiang che a, sah kuak loh rama la palpui ngei ang che.
Amaberawhchu, i khianga awm thlahlel hle si a, faisa i rin theuh nana kawng bumboh hrût mama hlat hmasatu che hi min dawn la, phâi khaw lum kara ka hrehawm tawrh hi ka dî ṭhenna mai chantir lul suh aw.
Keimah ngaia lungleng inih ve chuan e, ka thaikawi bâwngte hi i ṭangnemah pawm vawng vawng nang che. " Âw ka thaikawite ka va han awt tehlul che em, ka luah loh ṭâng nêmah i bei bîk dawn chu a ni si a".
Aw le, zan khua pawh a lo rei ta, chung chhawrhthla pawh thlang lenkawlah a herliam leh dawn e. Muangte'n zân mu lo chhing la, kei ka zân mu tur rilrua ngaihtuah tam tak ka neih lai hian i ṭhatnate chuan ka suangtuahna luah khat leh ṭhinin min tihlim ṭhin.
Chullo ka thliah thlenga i tân chauha rinawm reng tur, i Lianmâma.
Nicky Lalramchhuana 2nd Semester
2nd position -in Love Letter Writing Competition (Mizo) Organised by Students Union of Govt Aizawl North College, 2021
Media partner - EXPLORE MIZORAM
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: