LOVE LETTER: Hmangaih leh duh ber Lalfakawmi

Hmangaih leh duh ber,
Lalfakawmi,

A hmasain suih loh chibai le. Tunlai i damlai anih ngei ka beisei. He thu tlawm tak mai hi minlo chhiarsak ve turin ka ngen a che.
               Engtianga bul han tan tur nge tiin ka hamhaih hle a, mahse chhung lama turtu hi achak mai bawk si a, nangmah ang mai a tumruh a ni.
               Nang nen hian hun kan hmang hnem ve ta a. Ni e, i lakah hian sawifiah hleihtheihloh midangina,"Hmangaihna" antih ang hi, i lakah hian ka pu a. Engtia lo intan nge ka hre bik lo. Ringtu nula, nunzemawi leh tlawmngai thei tak mi hi, a tu pasaltha mahin achân phal bîk ka ring lo e.
               Vêi êm avang che hian meng reng chung siin ka suangtuahna ramah ka chêng fo a, rilru fim tak pu chung hian ka lo khi leh fo thin.
              Harsatna thimin min nan laiin ka Zanlalnu i ni a, hrehawm ka tawrhin ka Nachhawkna sâng ber i ni fo. Nang nen chuan he khawvel hi afim kâk a, anhring sur thin.      
              Arawng ka bâwlpui tur che a, khuanu'n mawi taka, aduân che ni ber hian ka hria. Ka zah che a, ka hmangaih bawk che. I hmangaih ber nive thei tak i maw? 
             Hlim reng tûrin ka duh che a. Ni e, nang chuan eng ang thuthlukna pawh duangin, eng trawngkam pawh rawn zam mahla, hmangaihtu tan zawng na lua a awm dawn em ni le? I nui hmel leh i aw ri kala hriat theih chhung chu.
         Heng thû mâwl tê tê te hian nangmahah awmzia anneih ngei ka beisei? I dawnlungrûk chu min hrih ve ta che?
         
                                I chhanna nghak rengtu
                                                      Lalrinfela..


Ziaktu: Lalrinfela
2nd Semester


3rd Prize -in Love Letter Writing Competition (Mizo) Organised by Students Union of Govt Aizawl North College, 2021

Media partner - EXPLORE MIZORAM




(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

3 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post