Aizawl | June 20, 2021: Covid-19 vanga thla khat chuang Kolkata-a enkawl tawh Rev. Vanlalngeiha (35) s/o Sangthankungi, Mission Veng chu vawiin June 20 chhun dar 11:10 khan Medica Superspeciality Hospital-ah a thi.
Rev. Vanlalngeiha hi Mizoram Presbyterian Kohhrana Jharkhand Mission Field-a thawk a ni a, hripui a vei avangin Kolkata-ah enkawl a ni.
Covid-19 positive vanga damlo a nih rualin, a thih lai hian a negative tawh thung a.
Hei vang hian a ruang pawh Thawhlehni (June 22)-ah thlawhtheihnain Mizoram panpui theih beisei a ni.
Vanduaithlak takin Pi K Biaksiami (70), Edenthar Veng, Aizawl chu tukin June ni 20, zing dar 6:30 khan Covid 19 vangin ZMC-ah a boral. June ni 3 khan hri a kai tih hriatchhuah niin hemi ni vek hian ZMC-ah admit nghal a ni.
Vanduaithlak takin Dr Laltinchhawna (72), Zarkawt Veng, Aizawl chu June ni 20, zing dar 1:45 khan ZMC ah COVID19 vangin a boral. June ni 3 ah hri a kai tih hriatchhuah niin June ni 8 khan ZMC ah dahluh a ni.
 |
| Representational Pic |
Vanduaithlak takin Pi Erichiya Devi (52), Muanna Veng, Aizawl chu June ni 20, zing dar 1:00 khan ZMC ah COVID19 vangin a boral. June ni 3 ah hri a kai tih hriatchhuah niin June ni 6 ah ZMC ah dahluh a ni.
Heti hian Covid 19 avangin Mizoram chhungah mi 82, Mizoram pawnah mi 27, an vaiin mi 109 nunna kan chan ta a ni.
Post a Comment
He post chungchanga i ngaihdan lo sawi ve rawh: