Aizawl | May 25, 2021: Tunhnaiah Zokhawthar khawchhungah vawk engemaw zat an thi tawh a, heng vawk thih chhan hi African Swine Fever tih finfiah a ni.
Hetiang a nih tak avang hian Dr.B.Zonghinga, District A.H & Vety. Officer, Champhai chuan 'The Prevention and Control of Infectious & Contagious Disease in Animals Act, 2009 Section 20 Sub-Section I in thuneihna a pek angin Zokhawthar, Champhai District chu vawiin May ni 25, 2021 atanga thu leh awm hma chu vawk hri lenna hmun “Infected Area" ah a puang.
Zokhawthar khawchhungah hian hengte hi zawm ngei tur a ni.
1. Zokhawthar atanga vawk lakchhuah emaw, lakluh emaw phal a ni lo.
2. Vawk thi reng reng paih mai lovin, chinai (lime) nen thuk taka phum tur a ni.
3. Zokhawthar khawchhungah vawk talh leh vawk sa zawrh khap tlat a ni.
- DIPR
Post a Comment
He post chungchanga i ngaihdan lo sawi ve rawh: