Siaha khawpui random test-ah hri vei 30 hmuchhuak tawh; Siaha khawpui Containment Zone-ah puang

Aizawl | May 3, 2021: Mizoram sorkar thu angin Chief Medical Officer Siaha  hmalakna in  Siaha khawpui chhungah tukin thawhtanni zing atang khan veng hrang hrangah Covid-19, RAgT  Random test neih a ni a, mi 30 zet covid-19 positive an ni tih hmuhchhuah a ni tawh a. Veng hrang hrangah test kalpui mekah positive hi hmuhchhuah belh leh rin a ni.

Siaha khawpui | Kolai Picture


thudawn danin  Random test neihna hi  College Veng, AOC-ah test a ni a, Covid-19+  vei mi 18 hmuh an ni. An zinga 2 te hi petrol pump-a thawk laite an ni.  New Colony-a test-ah positive 11 hmuh chhuah a ni a.  Vaihpi-a test-ah positive 1 hmuh a ni a, MST driver a ni. 

Tukin thawhtanni zinga sorkar thuchhuahin a tarlang danin Siaha district chhungah hian covid-19 vei mek mi 4 an awm bawk a ni.
- ZO RIN 




Siaha bawrhsap chuan tiam chin awm lovin Siaha khawpui chu Containment zone ah vawiin aṭang khan a puang tawh a ni.

Post a Comment

0 Comments