Pachhunga University College Mister 2021 Malakia Vanlalhmangaiha Hmar

byRose L Khiangte — 0
Pachhunga University College Mister 2021 Malakia Vanlalhmangaiha Hmar in tan kan rawn chhawpchhuak e.


Kiate tia hriat hlawh, Malakia Vanlalhmangaiha Hmar hi Johnny Zothansanga leh Juliet Lilypuii fa neihchhun ni turin August 15, 2000 khan a lo piang a, Dam Veng, Aizawl a awm niin, Presbyterian Kohhran a lawi an ni.

Tunah hian an veng YMA chanchinbu-ah news editor a ni mek a ni.


Hobby: Hobby tak hi chu a bik han tih tur ka nei lova, thil hrang hrang ka tih avang hian mahse hun awl a games han khelh leh zai hi ti ila a ni ber awm e.

Zirna lam:
* Pawl 10:
-Living Water School , Mission Vengthlang(Distinction) 2016-17

* Pawl 12 pawh.
-Oikos Higher Secondary School,Tuikhuahtlang (Arts First Division) 2019-20

* Tuna i zir mek ( Sem leh Subject)
-Tunah hian Pachhunga University College (PUC)-ah B.A IVth Semester Department of Psychology ka zir mek.




I duhzawng leh ngainat zawng hrang hrangte?
Lehkhabu duh: Bible chu chiang sa ni ta se, Zero to One by Blake Masters and Peter Thiel
Actor/Actress: Johnny Depp (A sial em em tawp he pa hi chu ) /Megan Fox
Zaithiam: Christopher Anthony John Martin (Coldplay)
Chawhmeh: Alu, Artui leh dal
Hla : Lemon boy-Cavetown
Hmun: Khawi hmun pawh zalen taka ka awm theihna leh Tui awmna (Swimming pool/lui)
Rawng: White (Var)
Ziaktu: Charles Dickens

Mize ngainat zawng: Mipa (Rilru zau leh mi sawisel chinglo), Hmeichhia (Mipa ngaina lutuk lo leh mi zaidam)

Mize ngainat loh zawng: Mi rel hrat leh mi rilru tê.


Kawppui tura duhzawng?
-Pathian tih mi, mahni tawka intodelh leh min hmangaih tu.

Relationship status: Taken
(Nulaho kha a va pawi ve aw......)

Aim in life: Mizoram Civil Service /Clinical Psychologist

Pachhunga University College (PUC) mister thlanna a tel chhan?
- Dik tak chuan Mister contest hi tihluihna vanga tel ka ni ve a, college ka kal tirh atang hian vawikhat mah ka la ngaihtuah ngai lo hrim hrim mahse khatiang a ka kova a rawn tlak tak si ah chuan leh online te a nih dawn tho avangin tel tura min tihna kha ka lo pawm ta a ni.


Pachhunga University College (PUC) mister nih hi i inring reng em?
- Ring lo lutuk tlat, briefing kan neih dawn tlaiah khan ka tlin loh nghal ka ring zawk a, mahse beisei loh deuh khan finalist ah khan ka tling ve hlauh a.

Pachhunga University College (PUC) Mister in I nuna nghawng a neih?
- Mister ka lo nih ve takah chuan, beidawn loh a pawimawh zia a tak ngeiin ka hriat phah a, mahni inrin tawkna nasa tak ka neih phah bawk.

Modelling lam hi i tui reng em?
-Tui em em lo, mahse taksa nalh tak neih a han pholan vel hi chu ka chak ve thin!


Zawhna dang:::
1. A tel lova i awm theih loh: Boruak leh ei tur tih loh ah chuan ka mobile phone hi.

2. I nun kaihruaitu: Pathian thu

3. Hringnuna i hlauh ber: Hlawhchham

4. I tih ngai miah loh tur: Mahni Intihhlum!

5. Mizo Tualzal nuna ṭha i tih: Tlawmngaihna leh chhiatni thatni a kan in ngaihsak tawnna!

6.  Quote i duh ber: It's just a bad moment, not a bad day.

7. Mizote tan 'Fa neih tlem' inzirtir hi a ṭulin i hria em?
- Ti lem lo, mahse, mi tin hian kan neih mil tawk leh kan chawm zawh tawk fa erawh nei thiam ila ka ti khawp mai. Fa neih ngah hi a pawina ka hrelo a, keini Mizo hnam tan phei hi chuan neih hnem hi a tha lam zawk a ni e.


8.  Mizo hnam ṭhanmawh bawk nia i hriat?
- A tam zawk te rei taktak kan nu leh pa, chhungte chawm tura kan awm thin hi, Hemi tih loh ah chuan kan duham lutuk leh kan ngaihtuah tawi tlang lutuk thin te hi a ni.

9. Mizo hnam damna atana  kawng awm nia i hriatte?
- A hmasa berah chuan Pathian,a dawtah chuan hman tangkai theih thiamna neih.

10. Zirna, Khawtlang leh Kohhran hi?
- Zirna, Khawtlang leh Kohhran hi thil kal kawp tir theih mahse kal kawp tir lutuk chi erawh niin ka hrelo a, tunlai khawvel ah phei chuan a bik nih a ngaih tawh em avangin zirna a kan rilru pum pek theih hi a tha ber a, nimahsela, Mizo te chu pungkhawm a thil ti thin kan nih avangin tel ngei ngei a tul chang a awm a, chutiang a pawimawh leh thil tul dang vang anih lem loh chuan kan nih tur ang kan nih hma hi chuan Khawtlang leh Kohhran ah hian a mawi tawka in hman hi a tha zawk awm e.

11. Khawtlang, Kohhran leh nangmah:
- Khawtlang ah hian phak ang tawk tawk chuan ka in hmang ve a, tunah hian kan YMA chanchinbu news editor ka ni nghe nghe. Kohhran lam ah pawh ka dam a ka hman anih chuan inkhawm hi chu ka thulh lutuk lo a mahse nihna leh chanvo erawh kan la chelh ve chiah lo, khawtlang leh kohhranah hian in hmang nasa an tih tur ang hi chu ka ni lo a, chanvo min lo ruat te hlen leh a tul hun, chhiat thatah phak ang tawka lo tel ve hi a ni mai.


12. Social Media leh Nangmah:
-Ka thalai pui dang te ang bawkin social media hi chu ka hmang ve nasa a mahse zirna lam tibuai khawp erawh chuan ka hmang lo,social media hi tunlai khawvel ah chuan zirna ah leh nitin nunah thil pawimawh tak pakhat anih ve tawh avangin hman hi thil pawi a ni lo a nimahsela kan hman dan erawh kan fimkhur angai em em thung, thil tangkai lo leh hun awl nei hmanlo khawpa kan hman ai chuan khawih loh ngam erawh a tha ber in ka hria.

13. Mizoram ṭhalai tam tak tlakchham:
-Mizo thalai tam zawk te hian pawisa hlut na hi kan hre tawhlo niin ka hre ve thin a,mi tam tak nu leh pa te thawhchhuah a incheina leh nunphung sang tak nei mai thin kan awm te hi a zah nachang hriat angai ani.Mipa te hian insumtheihna kan tlachham ve em em in ka hria a,zuk leh hmuam ani emaw ruihtheihthil leh mipat hmeichhiatna kawngah te hian kan  insum angai tak meuh meuh ani.Hmeichhia te pawh chutiang bawkin ani e, hmeichhe tan bik ngat phei mahni pawh a dintheih hmaa fa neih hi a pawi leh zual bik a ni. Kan tlakchham han tih tur hi chu sawi tur tam tak a awm a, insumtheina kan tlachham hi kawng tam taka min hnuthniam tu anih avangin a langsar ber ti ila ka sawi sual thui awm lo ve.

14. Mizo ṭhalaite hian ngaihsan tur dik an ngaisangin i hria em?
- Ka hmuh leh hriat ve chinah chuan kan ngaihsan tam zawk hi chu a tha, a chhia ka ti ngamlo a,mi hrang hrang te'n kan mi ngaihsan a in anglo em em bawk mahse kan mi ngaihsan a te nun dan leh awm dan kan entawn dan erawh a chin tawk kan hriat a pawimawh a ni.

15. Ngaihsan tur dik nia i hriat:
- Kan nu leh pa emaw min enkawl tu te hi engang mi pawh nise la kan ngaihsan ber a tulin ka hria, kan ngaihsan miau chuan an thu te pawh kan zawm phah sawt ngei bawk ang.

16. Hlawhtlinna tura pawimawh:
- Thawhrim, thil tum a chian leh tih hramhram na emaw tumruhna.
Mi thawkrim chuan tih hram hram na pawh a nei tel thin, nimahsela thawkrim satliah a awm ve theih a, chuvangin Kan thil tih tur leh tum ah hian chiang ila, kan thawhrimna leh tih hram hram na chuan dinhmun sang leh hlawhtlinna kawngah min hruai ngei bawk ang.

17. hloh i hlauh ber:
- Khawvel kan awm chhung chuan thihna avanga kan thiante,kan chhungte,kan mi ngainat zawng te thihna avanga hloh hi ka hlau ber.

18. Zo hnam inpumkhatna hi a thlen theih i ring em?
- Kan khawvel kal dan en hi chuan a theih mai hi ka ring tawh lo. Mizo hnam ni si, inti mizo duh miahlo te an awm tawh a, chutah a inti Mizo te pawn in rem pui kan tum em em chuang lo, hmuh theih khawpin Kan inpumkhatna hi la chhe chiah lo mahsela, a pawi tulh tulh thung ngei dawnin ka hre bawk.


19. Hnam dang nupui pasal neih hi:
- Pathian remruat a nih miau chuan hnam dang neih hi keini lo sawi theih a ni lo. Chutiang chu ni tho mahsela mizo hmeichhia bik hi chuan mahni hnam pui ngei nei thei se erawh ka ti ve khawp mai, hei hi mipate ka dah hranna  a nil ova, hnam lian tak kan la nih loh avangin kan hnam hmasawn theihna tur kawng pawimawh tak pakhat a nih vangin a hmei a pa hian mahni hnampui ngei neih theih hi a tha ka ti ber.

EXPLOREMIZORAM.COM i hmuh dan:
- Mizo te hian hetiang website mumal tak engkim lenna, information a ni emaw thil dang hmuh theih na hi ka hriat sual loh chuan kan nei tha lutuk lo niin ka hria a, EXPLOREMIZORAM.COM te hi ka mimal ngaihdan ah chuan internet hmanna khawvel-ah hian Mizo te tana thil tangkai tak ni mek leh la tangkai leh pawimawh tak ni zel tur niin ka hria.





Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post