Aizawl | May 20, 2021: Covid-19 hri leng thawhhnihnain rampum a tuam mek laiin Mizoram chhungah hrileng vanga harsatna tawkte tanpui tura mi inpe an lo lang a, mimal anga hmala an awm laiin a huhoa zau zawka hmala an awm bawk.
Project Flashlight 21 dintu Vanlalhmangaihzuali chuan April 19, 2021 atang khan chhiatna thlen laia midangte tanpui turin hma a la tan a, hrileng leh lockdown avanga harsa zualte tanpuina hna an thawk thin a ni.
AIR News Aizawl-in a tarlan danin, A tirah chuan HIV/AIDS avanga harsatna tawkte he project hnuaiah hian thlurbing an ni a, Covid-19 hrileng leh lockdown avanga nitin khawsakna mamawh thlachham chhungkaw thahnem tak an awm tih an hriat atangin Ei leh in thawhkhawm beihpui ‘Food Donation Drive’ an buatsaih tan a ni.
Tun thleng hian chhungkaw 155 te tanpui tawhin buhfai, tel leh ei leh bar mamawh zualpui chi hrang hrang bakah nuapang leh hmeichhe nitin mamawh te thlengin an buaipui a ni.
Ramchhung leh pawna mi inphal ten Project Flashlight 21-ah hian tanpuina Rs.60000 an thawhkhawm tawh a, mi harsa zawkte tanpui nana thilpek petu zawng zawngte chungah Pi Vanlalhmangaihzuali chuan lawmthu a sawi.
- AIR Aizawl
Post a Comment
He post chungchanga i ngaihdan lo sawi ve rawh: