Mizoram Palian inchai chak Amawitea a boral

Aizawl | May 23, 2021: Mizoram Palian inchai champion lo ni tawh Amawitea tia hriatlar  Lalhmingmawia Fanai, (Kum 34) khuangpuilam chu nizan khan a boral.

Amawitea hi Kolasib Damdawi In ah nizan 11:30 Pm khan a boral a, lumen niin, tukin zing Dar 10:00 hian vui a ni ang.

• Mitthi vui leh lumen na ah te hian Sorkar SOP angin Mi 30 aia tam kal a rem dawn lo niin khuangpuilam YMA chuan thuchhuah an siam.

Pu Amawitea hian mizo Palian inchai title hi LR Bawlliana hnen aţangin a chhuhsak a, a hnu title fight leh ah amah chotu PB Lalnienga lak aţangin a title kawl ahum him leh a.

Champion trophy tum hnih zet a kawl hnuin Lalnunfela Salem veng lakah title a hum him zo ta lo a ni.

INCHAI CHAK PU LALHMINGMAWIA FANAI BORAL  PAWI KAN TI.

Inrinni zan dar 11:30 khan  Mizoram Wrestling Association hnuaia  Palian inchai champion lo ni tawh Pu.Lalhmingmawia Fanai, Kum 34 (Amawitea), Khuangpuilam, Kolasib chu Kolasib.Damdawiinah a boral a. Zanin lumen a nih hnu ah Pathianni zing dar 10:00 ah vuiliam a ni ang.

Kum 2008-2010 chhung  khan Mizoram Palian Inchai champion niin, kum 2008 kum khan LR Bawliana, Chanmari hnehin a champion a, kum 2009 ah PB Lalnienga, Saitual chu hneh lehin champion a humhim bawk a ni.

Pu.Lalhmingmawia Fanai hian Mizoram State Wrestling Championship hrang hrang bakah Inter SAI Wrestling Championship, National level leh North East level ah te Medal lo la tawh  bawk a ni.

Mizoram Wrestling Association, Gen. Headquarter chuan Pu Lalhmingmawia. Fanai boral hi a pawi kan ti a. Mizo inchai chak, kum 20 mi chauh ni a  Mizoram Palian inchai Champion ni thei awm chhun boral mai hi MWA Gen. Headquarter chuan  a pawi kan ti tak zet a ni.

Mizoram Wrestling Association chhungkua tan chuan channa leh tawrhnasa nasa tak a ni. A nupui, a nu leh pa te Pathianin vengin awmpuiin thlamuan se tih chu kan ṭawngṭaina a ni e.

Sd/-

LALROCHHUANGA COLNEY

Jt. Secretary

MWA, General Headquarter.

Aizawl, Mizoram.