Mizoram chhungah May 31 thleng Total Lockdown pawtsei dawn

Aizawl | May 22, 2021:  Mizoram chhungah Total Lockdown 24.5.2021 (4 :00 am) atangin 31.5.2021 (4 :00 am) thleng hman chhunzawm a ni dawn.

Mizoram chhunga COVID-19 hri kai thar chak taka an pun zel avangin leh a vei mek thahnem tak an awm zui zel avangin state chhung inkharkhipna (Total Lockdown) chu ni 24.5.2021 zing dar 4:00 atanga ni 31.05.2021 zing dar 4:00 thleng hman chhunzawm a ni dawn.

NI 24.05.2021 LEH 31.05.2021 INKARA MIZORAM CHHUNGA COVID-19 DONA KALPUI DAN TUR INKHUAHKHIRHNA THUPEK 

Mizoram chhunga COVID-19 kai thar chak taka an pun zel avangin leh a vei mek thahnem tak an awm zui zel avangin Mizoram State Disaster Management Authority-in 'Total Lockdown' inkaihhruaina sawrkar File No. B. 13021/101/2020-DMR/Vol-N dt.14.05.2021 hmanga a chhuah tawh chu ni 24.05.2021 zing dar 04:00 atanga ni 31.05.2021 zing dar 04:00 thlenga hman turin pawh sei a ni. Hei hian COVID-19 chungchanga inkaihhruaina Order hmasa zawng zawng a luahlan (supersede) ang. 

A. MIZORAM PUMA HMAN TUR INKHUAHKHIRHNA

1. Mizorama lo luh chungchang

Mizorama lut turte reng reng chu Sawrkarin a hawn mek entry points kaltlang chauhvin an lut thei ang. Mizorama lo lut tur te  chuan  mPass-ah an in-register ngei tur a ni a. Entry point te leh Mizoram rawn luh theihna hmun dang (Inter-State leh International border)-ah te chuan uluk takin Deputy Commissioner leh Superintendent of Police te ruahmanna angin Police leh VLTF te an duty ang.

1.1. Screening.

India ram pawn leh India ram hmun  dang  atanga  Mizoram-a lo lut  reng reng chu Mizoram an lo luhna (Point  of   entry)-ah  Rapid Antigen Test (RAgT) hmanga en dik vek an ni ang a. RAgT positive te chu enkawl dan tur dinglai (Protocol) angin enkawl zui tur an ni ang.  Hetiang  hian Mizoram atanga zin chhuak, lo haw leh te pawh endik vek tur an ni ang.

1.2. Quarantine.

1) RAgT negative te chu  fimkhur  takin self-monitoring (mahni hriselna inchik)-in mi dang nena in-contact lovin ni 10 chhung mahni inah (Home Quarantine) an inkhung hrang ang. Ni10 hnuah RT-PCR/TrueNat  test an nei ang a,negative result an neih chuan inkhung zui a ngai tawh lovang.

2) Home quarantine-a awm turte chuan inkhung hranna tur riahna (bedroom) leh inthiarna (attached toilet) hran an nei tur a ni. Chutiang ruahmanna neite chu an chhungkaw member te inkhung hran ve kher a  ngai lo vang. Amaherawhchu,   midangin  an  tawmpui   loh tur  riahna (bedroom) emaw inthiarna (attached toilet) hranpa nei lo home quarantine phalsak an nih erawh chuan an chhungkaw member te pawh pawn chhuak lo leh midang nen inkalpawh lovin ni 10 chhung an inkhung tur a ni.

3) Home quarantine-a awmna tur hmunhma (facility) nei lote chu hotel (paid quarantine) emaw Community/ Government  Quarantine Facility (CQF/ GQF)-ah anmahni sensovin ni 10 chhung an inkhung hrang ang. Quarantine facility-a awmte pawh quarantine facility an chhuahsan hmain RT-PCR/TrueNat hmanga test an ni ang.

4) Home quarantine leh quarantine facility-a awm ten Health & Family Welfare Department-in zawm tur inkaihhruaina a siamte chu an zawm ngei tur a ni. Chung inkaihhruainate chu an zawm ngei a ni tih an awmna veng LLTF/VLTF ten an endik (monitor) ang.

5) Hun rei lote chhung (short stay), darkar 96 aia rei lo Mizorama cham tura  lo kal te chuan entry point an lo thlen hma darkar 72 aia hlui lo RT-PCR/TrueNAT/CBNAT (ICMR recognized laboratory) hmanga COVID-19 test result negative (SRF ID awm) an neih a, entry point-ah RAgT negative result an neih bawk chuan inkhung hran a ngai lovang. Anmahni chah chhuaktu/buaipuitu ten an tana hmun ruat  bikah dahin  fimkhur takin an tih tur bik an tihpui ang a, midang nena in-contact lo thei tur ang berin ruahmanna an siam ang.

6) State pawn atanga thlawhnaa lo lutte chu Transport Department-in empanelled vehicle, Order No.G.28016/12/2020-TRP dt. 16. 04.2021-a a tarlan ten an phur thei ang a, mahni motor hmanga zin haw phurtute chuan an passenger-te nena in-contact  lo thei tur   ang  berin  fimkhur takin ruahmanna  an siam  ang. Kalkawngah  pawh  midang   nena in- contact tura din khawmuan loh tur a ni. Tin, motor  hmanga Mizoram lo lut te leh Aizawl pela district danga kal turte chu an motor hmanlai hmangin, hmun danga chawl lovin, an in-quarantine na hmun tur an pan nghal tur a ni. Amaherawhchu, remchan lohna avanga motor thlak a ngai a nih chuan mahni private motor uluk taka daidanna siamin emaw Transport Department empanelled  motor te chauh hmangin an kal chhunzawm tur a ni.

7) State pawn atanga thlawhna emaw lirthei emawa lo lut te hian Clause A.5-in a phut ang a VLTF/LLTF te hriatpuina lehkha lak ve kher a ngai lo vang. Mizoram an luhna atana mPass-a an in register-na  chu an thlenna  tur (destination)  thlen nan  chauh hman phal/theih a ni a, hmundang kalkual/tlawhkual nan mPass chu hman  phal a ni lo. Amaherawhchu, an lo thlen hma-in an veng/khua LLTF/VLTF te an hriattir lawk ang.

8) Screening leh quarantine  dan tur   fel taka ruahman  a nih theih  nan Mizoram an rawn luh hmain mCOVID-19 mobile application mPASS-flight emaw mPASS-road hmangin an in-register lawk tur a  ni. Home quarantine leh Hotel  quarantine dil duh tan online-in mcovid19.mizoram.gov.in-ah a dil theih tawh bawk. 

9) Mizoram-a lo lutte quarantine dan, COVID-19 testing, quarantine mék leh hri vei (asymptomatic, mild  leh   severe case)-te  enkawl  chungchang, COVID Care Centre, Dedicated COVID Health Centre leh Dedicated COVID Hospital te kalpui dan chungchangah Health & Family Welfare Department-in inkaihhruaina a siamte chu khauh taka  kalpui tur a ni ang. Tin, quarantine-a awm/ thlen man, ei leh in man leh test-na man pek dan tur erawh chu Notification No.B. 13021/ 187/2020-DMR/Vol-I dated 26.04.2021 leh 05.05.2021 ten a tarlan angin kalpui a ni ang. 

1.3 Testing.

H&FW Department-in a bituk angin COVID-19 test man hi zin veivak leh quarantine-a awm ten an  pe/ chawi ang. Test chi hrang hrang man pek/chawi dan tur chu (H&FW Department-in an tihdanglam  hma chu) a hnuaia tarlan ang hi a ni ang.

(a) RT-PCR: Rs. 1,200/ - (b) TrueNat: Rs. 1,000/ - (c) RAgT: Rs. 200/-

1.4. Isolation.

1) Mizorama lo lut entry point-a positive hmuh chhuah te leh hmun danga positive hmuh chhuah te reng reng chu  an   hriselna   dinhmun  ngun taka en an ni ang a, symptoms nei lo (asymptomatic) leh hrisel lohna dang net lo, chhungkaw   member  dangte  nena   intlawhpawh  lova inkhung hran theihna bedroom leh inthiarna hranpa neite chu mahni inah (home isolation-in) inenkawlin an inkhung hrang ang.

2) In lama inenkawl (home isolation) te hian Health & Family Welfare Department-in zawm tur   inkaihhruaina  a siamte chu  an zawm   ngei tur a ni. Chung inkaihhruainate chu an zawm ngei a ni tih an awmna veng LLTF/VLTF ten an endik (monitor) ang.

3) Home isolation-a awmte chu Health & Family Welfare Department-in uluk takin an vil zui ang.

4) In lama inenkawlte hian hriselna chungchangah harsatna an nei a nih chuan COVID- 19 (Medical) helpline number (Toll free 102, landline 0389-2323336, 0389-2322336  leh 0389-2318336)-ah telephone-in an harsatnate an thlen thei ang.

2. Containment Zones

A tul a nih chuan Deputy Commissioner ten an District chhungah Containment Zone an puang thei ang a, Containment Zone puanah te chuan Deputy Commissioner-in thupek a siamte zawm tur a ni ang. 

3. Bungraw Chawkluh Leh State chhunga Thiar Chungchang

1) State pawn atanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID- 19-ah an in-register  vek tur a ni.

2) Bungraw lak luh phurtute (driver leh handyman) hi entry point-ah uluk takin screening kalpui chhunzawm a ni ang. Bungraw phur  motor-ah reng reng hian midang (passenger) an chuang tur a ni lo.

3) State pawn atanga bungraw lak luh phurtute (driver leh handyman) te  chu an kalphung pangngai angin khaw dâiah anmahniin eirawng an inbawl chawp ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te atanga feet ruk (6)  tala hla-ah an awm tur a ni.

4) State pawn atanga bungraw lak luh phurtute (driver leh handyman) te chu backload lak tur zawngin Mizoram  hmun dangah an kal kual tur a ni lo.

5) Mizoram a awmsa emaw siam/thar chhuah, eizawnna leh hmasawnna hnathawhna atana mamawh bungrua te pawh Mizoram chhungah sem/lakkhawm phal a ni. Amaherawhchu, bungraw phurtute chuan an awmna LLTF/VLTF te lehkha an la tur a ni a, lehkha-ah chuan an kal tanna veng/khua leh thlenna tur hmun chiang takin a intarlang tur ani. Tin, heng   bungraw phurtute hi hmun danga kalkual emaw kar kawng khuaah an chawlh phal a ni. 

6) Public Distribution System (PDS) hnuaia ration dawr/retailer-a pek chhuah tur buhfai, chini leh khawnvartui phur motor te chu FCS&CA Department-in Delivery Order/Despatch  Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.

7) A chunga tarlan driver leh handyman-te hian kawng laka  harsatna an tawh thulhah State Control Room (Toll free 1070, landline 0389-2342520, mobile 7628072785 and whatsapp  9366331931)leh COVID-19 (Medical) helpline number (Toll free 102, landline 0389- 2323336, 0389-2322336 leh 0389-2318336)-ah telephone-in an harsatnate an thlen thei ang.

 4. Zirna In, Sakhaw Biakna Hmun Leh Mipui Punkhawmna Hmun Te

1) Public park, picnic spot, movie theatre, gym, football/ futsal ground, community hall, restaurant, shopping complex, mall, phalna pek loh dawrte leh intawllenna hmun zawng zawng chu khar chhunzawm tur  a ni.

2) Zirna in leh Sakhaw biakna hmun te chu khar chhunzawm tur a ni.

3) Board Exam, All India level Exam, recruitment exam adt. te chu phalna hranpa pek te chauh kalpui  theih a ni ang. Hengahte hian exam huaihawttu ten SoP khauh takin an kengkawh tur a ni.

4) Inneihna leh reception-ah mi 30 (sawmthum) aia tam punkhawm phal a ni lo.

5) Mitthi vuinaah mi 30 (sawmthum) aia tam punkhawm phal a ni lo.

6) Chhiatni/thatni leh puipunna dang reng rengah ei leh in sem/ siam phal a ni lo.

7) Mipui punkhawmna heng - birthday leh anniversary lawmna, games & sports, book release, lungphun leh intihhlimna  ang chi reng reng te chu he hun chhung hian huaihawt phal a ni lo.

5. Zin Veivah Chungchang

Mahni chenna khua chhuahsana zin veivah  khap   tlat  a  ni. Amaherawhchu, loh theih loh thil - chhiat tawh leh damlohna (medical emergency)-a mahni khua chhuahsana  zin veivah a tul chuan mahni awmna veng/ khua VLTF/LLTF te  hriatpuina lehkha nen zin veivah theih  a ni ang. Chu lehkha-ah chuan an kal tanna (origin) leh zinna/kalna tur hmun (destination), zinna chhan, ni leh darkar te a chuang tur a ni.

6. A Huhova Pawn Chhuah

Chhungkua leh mimal eizawnna kaihhnawih ni lo a huhova lui kal, ramhnuaia picnic, hiking leh adventure sports te khap a ni. He khapna thupek  zawm  lote chu the Mizoram (Containment & Prevention of the spread of COVID- 19) Act, 2020 hmangin hrem an ni ang.

7.Inkhuahkhirhna Dangte

1) Hemi hun chhung hian eizawnna leh tul bik thil nilova veivah leh inlenpawh khap tlat a ni.

2) AMC leh   District Headquarters ni lo hmun dangah pawh Sawrkar office, bank, adt. chu “Covid- 19 Appropriate Behaviour“ (CAB) tha taka zawm chungin an kal ang.

3) Tul bik thila pawn chhuak tur reng reng chuan (facemask leh hmanraw dang hmangin) hmai an tuam ngei tur a ni.

4) Vantlang hmuna kal te chu feet 6 tala inhlata awm tur a ni.

5) Dawr leh bazar hawn chungchangah vawi khata mipui tarn tak pungkhawm tur ven nan VLTF ten ruahmanna an siam ang.

6) AMC Area leh District Headquarters pawnah te pawh eizawnna leh hmasawnna hnathawh chungchangah CAB uluk taka zawm chungin kalpui tur a ni.

7) He inkhuahkhirhna thupek kalpui chungchangah hian LLTF/VLTF te chuan an khua/veng chhung theuhvah COVID- 19 do nana an hmalaknate an chhunzawm zel ang. 

B. AIZAWL MUNICIPAL CORPORATION AREA LEH DISTRICT  HEADQUARTERS  DANGTE -A HMAN TUR

1. Mipui Vantlang Tana Inkhuahkhirhna Hriat Tur te [A.7(2,3,4,5&7)] te bakah a hnuaia tarlan te hi zawm tur a ni)

1) Hemi inkhuahkhirhna hun chhung hian tumahin mahni  in/ compound an chhuahsan tur a ni lova, building khata  in  hrang hrang luahte pawh intlawhpawh loh tur a ni.

2) Tul bik thil vanga chhuah ngai - damdawi let tur, nitin  mamawh lei tur leh doctor hnena inentir turte chuan an awmna VLTF/LLTF te phalna an la hmasa tur a ni a, nitin mamawh lei turte hian mahni awmna veng VLTF/LLTF te ruahmanna zawm ngei tur a ni.

3) Hemi hun chhung hian lirthei veivah  khap tlat a ni. Amaherawhchu, hei hian Clause A.5, B.2, B.4 (1, 2, 4, 5, 6 & 7) hnuaia tarlante leh Clause B. 1(2) leh B.3-a VLTF/ LLTF ten phalna/hriatpuina an pek te chet velna lirthei a huam lovang.

NOTE: District Magistrate ten zan curfew (7:00 PM to 4:00 AM) an puang ang a, CrPC Section 144 hmangin Order an chhuah ang. 

2. He Inkhuahkhirhna Hian A Hnuaia Tarlante leh Heng Hmuna Thawkte Hi A Huam Lovang

2.1 Places/vehicles (Hmun/lirthei):

1) Hospital, nursing home, clinic, laboratory, OST centre, ART centre, blood bank leh damdawi dawr.

2) Veterinary hospital, dispensary, clinic, zoo, leh hatchery.

3) Bank, non-banking financial institutions, insurance, ATM leh post office. Hengte hian mipute nena indawr tam lo tur leh hnathawh tul bik chauh kalpui turin mahmanna an siam ang.

4) Petrol/ Diesel filling station leh LPG storehouse.

5) Fair Price Shop/ration dawr te leh FCS&CA Department/FCI hnuaia godown te.

6) COVID- 19 duty te hman taxi leh rental motor.

7) Feed mill/ Ran chaw zawrhna dawr.

Note: B 2.1 hnuaia hmun pan tur te (thawktu nilo, dawrtu) hian anmahni veng LLTF/VLTP te phalna (movement permit) an la tur a ni.

2.2 Services (Hna):

1) COVID- 19 vaccination leh immunization programme dangte, ambulance service.

2) Animal disease control programme.

3) Postal service, blood donation camp/ service.

4) Kohhran hna tul zual thawk tura Kohhran office kal leh kohhran hotute programme pawimawh bik.

5) Nau pai, nausen pawmlai leh naupang te hnena nutrition (chaw tha) sem bakah nutrition sem tur godown atanga phurh chhuah leh sem darh.

6) Bawnghnute sem leh lakkhawm.

7) Power & electricity, water supply (mimal tui chawite huamin), sanitation & solid waste management (hmunphiat leh bawlhhlawh path te huamin), telecommunication, internet service, broadcasting leh cable service. 

8) Print & electronic media leh chanchinbu sem.

9) Bungraw load leh unload hna (8:00 PM leh 4:00 AM inkarah). Private security service.

10) Medical emergency leh chhiat tawh thila awmna veng VLTF/LLTF te hriatpuina lehkha nena chhuah.

11) LPG delivery service.

13) Courier service, e-commerce leh Home delivery. Heng hian State pawn leh State chhunga dawrkaite bungrua online emaw phone hmanga order lawksa te pek (Home Delivery) chauh a huam a ni. Tin, bungrua deliver-tute chuan inchhungah lut lovin an thil sem te chu an pe tur a ni a, Thawhlehni (Tuesday) leh Zirtawpni (friday)-ah te  zing dar 5 atanga tlat dar 5 thleng chauh  delivery phal a ni.

14) MGNREGA hnuaia hnathawktu ten inhnaih lovin, CAB kaihhruaina uluk taka zawmin hna an thawk tur a ni ang. 

3. Eichawp Dawr Leh Chawhmeh Zawrhna Chungchang

1. A hnuaia tarlante hi Thawhlehni (Tuesday) leh Zirtawpni (Friday) ah hawn theih an ni ang.  Heng dawr/thil zawrhna hmuna zawrh  tur bungrua te hi LLTF/VLTF te hriatpuina-in Thawhtanni (Monday) leh Ningani (Thursday)  zan  dar   8:00 a;anga  zing dar  4:00 inkarah distributor/wholesaler ten retailer (zuar chhawng turte)  hnenah an sem thei ang. Amaherawhchu, distributor/wholesaler te kudam/dawr- a retailer (zuar chhawng tur) ten bungrua la tura an kal khap a ni.

a)Eichawp dawr.

b) Thlai, chawhmeh leh sa zawrhnate.

2. Bazar hawn ni hian chawhmeh  lei tura motora  chhuah   veivah  khap a ni. Veng danga chawhmeh ilo lei tura kal a ngaih loh nan LLTF/VLTF  tin ten  anmahni veng   chhungah  chawhmeh  zawrhna   tur  ruahmanna an siam ang.

3. LLTF/ VLTF ten  chawhmeh  zuarte thutna tur  hmun fel takin an ruahman ang a. Bazar kal te thawl tak  leh  midang   nena inhnaih  lova  an bazar theih nan  chawhmeh zuartu  te thutna inkarah feet 6  tal hmun awl an zuah zel tur a ni.

4. A tul dan  azirin veng chunga vantlang hmun awl zau tha/kawngpui/ school compound te pawh chawhmeh bazar atan an hmang thei ang.

5. Chawhmeh bazar leh dawr te hi tlai dar 5:00-ah khar ngei ngei tur a ni. Tlai dar 5:00 pelh hnuah tumah bazar kal tura chhuahvah phal a ni lo.

4. Dawr Dangte

1. A hnuaia dawrte hi Thawhlehni (Tuesday) ah zing dar 05:00 atanga tlai dar 05:00 thleng LLTF/VLTP te hriatpuina-in leh CAB uluk taka zawm chungin hawn theih a ni ang. Dawr   te  hi  tlat dar 05:00 ah khar ngei ngei tur a ni a, Thlaichi/Tiak leh agriculture kaihhnawih bungraw zawrhna dawr.

a) Hmasawnna hna peng hrang hrang thawhna atana bungraw mamawh - Iron rod, balu, brick, cement, electric bungrua, insakna bungrua ilo zawrhna.

b) Bungraw phur motor mamawh, oil leh spare parts zawrhna leh loh theih loh thila hawn ngai hetiang motor siamna bik workshop/ puncture works.

2. AMC area ni lo, District headquarters dangahte chuan a chunga dawr tarlante bakah hian loh theih loh va dawr hawn  ngaite an awm chuan Deputy Commissioner te ruahmanna angin an hawng thei ang.

Note: No.B 4 hnuaia dawr a thil let tur te hian anmahni LLTF/VLTF te phalna (movement permit) an la hmasa tur a ni. 

5. Sawrkar Office

1) Mizoram Sawrkar hnuaia  office  zawng  zawngte chu khar tur a ni. Amaherawhchu, DM&R, H&FW, Home (Police,Fire & Emergency Services,Home Guard, Civil Defense & Prisons), Excise forces, Finance & Treasury,District  Administration,  Civil  Aviation leh I&PR te chu COVID- 19 dona leh hna tul bikah an kal thei ang.

2) Office-a kal tur ni lo leh COVID- 19 duty-a tel lote chuan anmahni in atangin hna an thawk ang (work from home). Tin,  a tul angin mahni veng VLTF/LLTF te an tawiawm bawk ang.

3) Sawrkar hnathawk leh sawrkar sum atanga hlawh la te chu COVID-19 duty turin a tulna apiangah hman an ni ang. Hetianga duty tura ruat te hi an duty-na hmun turah zing dar 9:30 hmain an thleng tur a ni.

4) Mizoram Legislative Assembly te chuan an kal dan tur a hranpain an ruahman ang.

5) High Court thuchhuak angin Judiciary/ Court-a hnathawkte chu an kal ang.

6) Central Govt. office leh organization te pawhin CAB an zawm ngei tur a ni a, hna pawimawh leh tul zual bik thawk turin  a   tlem  thei ang  ber ofrice kal tur an inruat ang. Office kal tura ruat te chuan Identity Card leh detailment order police/ COVID- 19 Executive/ VLTF/LLTF Duty te enfiah turin an keng ngei ngei tur a ni bawk.

7) Head of Office ten khauh takin CAB an kalpui tur a ni.  

8) Office chhungah phalna la hmasa lovin pawnlam mi kal phal a ni lo. Hemi atau hian phone-in emaw an hmuh duh te phalna an la phawt tur a ni.

9) Head of Department leh Head of Office ten an office kawtkaiah kut silna tur emaw hand sanitizer emaw an ruahman ang.

10) Head of Office tin te chu office vawn fai leh tih thianghlim kawngah mawhphurtu an ni ang a,office-ah kut  silna   hmanrua (tui, sahbawn/handwash) an buatsaih ngei ngei tur a ni.

11) Tul bikah lo chuan meeting neih loh tur a ni. Inrawn leh inbiak a tul a nih pawhin a theih chin chinah intercom,  landline telephone leh mobile emaw IT application (WhatsApp, E-mail, etc) hman tangkai hram tur a ni.

12) Department emaw office dangte nena indawr tulna thilah chuan email emaw electronic media dang hman hram turn tur a ni.

13) Mipuiin Sorkar Department te ral khat atanga an dawr theihna-ah Department  tinin  Information  Technology  an    hmang  tangkai  tur a ni.

6. Hmasawnna Hna Thawh Chungchang

1) AMC Area leh District Headquarters-ah te chuan mahni in/compound chhungah hna thawh phal a ni a; mahse, veng dang atanga hnathawktu rawih phal a ni lo.

2) AMC Area pawn leh District Headquarters a khawsa te tan pawh hmasawnna hnathawh hrang hrang, quarry-a lung lak, kawng lath, lei dawh, tui lak, adt. chu khuahkhirhna awm lovin kalpui theih a ni ang. AMC area 1eh District headquarters a cheng te tan pawh khaw pawna hnathawhna hmunah riahchilha hnathawh phal a ni a; tin, an hnathawhna hmun pan tura khawpui atanga  an  chhuah  pawh   phal a  ni. Amaherawhchu, khawpui leh an hnathawhna hmun inkara veivah phal a ni lo.

3) AMC Area chhungah emaw District Headquarters chhungah hmasawnna hnathawh hrang hrang, chhiatna thleng   thei  laña invenna atana thawh tul zual a awm a nih chuan Deputy Commissioner leh an aiawh ten a hmunah LLTF/VLTP te nen enchiang (verify)-in, hnathawh phalna an pe thei ang.

4) AMC area-a cheng/ khawsa, lo leh huan neitute, ran vulhtute, sangha dil neitu te leh a thawktute chu phalna hranpa lak ngai lovin an hna thawh phalsak an ni a, lo/ huana hna thawk  tura ram riah pawh phal a ni. Hmun khata mi 5 (panga) aia tam awmkhawm chu khap a ni. Lo/ huana kal/ feh turte chuan zing dar  8:00 hmain  khaw chhung (city/town area) an chhuahsan hman tur a ni a, tlat dar 5:00 hmaa an rawn luh leh phal a ni lo. Tin, police/  COVID- 19 Executive Duty-te check theih turin VLTF/ LLTF te phalna lehkha emaw an kalna tur lo/ huan an nei ngei a ni tih lantirna  document  (LSC, periodic patta, adt.) an keng ngei tur a ni. AMC area pawn, Mizoram hmundanga khawsa te tan chuan khuahkhirhna (restriction) engmah awm lovin heng hna te hi thawh theih a ni ang.

5) Mahni hna thil siamna (home based industry) - Carpentry workshop, steel fabrication workshop, bakery, puan thuina, puan tahna leh hetiang lam thil thawhna hmunahte chuan a awm chilhtu, hnathawktute tan LLTF/VLTP hriatpuinain hnathawh phal a ni a. Amaherawhchu, pawn lam mi chhawr phal a ni lo.

C. VENG/KHAW BIL INKHUAHKHIRHNA

He order/ inkaihhruainain a huam baka veng bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin LLTF/VLTF ten an awmna District DC hnenah rawtna an siam thei ang. LLTF/VLTF ten anmahni thuin inkhuahkhirhna hranpa Containment Area/ Restricted Area an puang tur a ni lo.

D. INKHUAHKHIRHNA THUPEK KALH LEH TIM NEP KHAP THU

He order-a inkhuahkhirhna tarlan te kalh zawng emaw ti nep zawngin Deputy Commissioner/District Disaster Manangement Authority (DDMA) ten inkhuahkhirhna te siam tur a ni lo. Amaherawhchu, he order a tarlan bak anmahni  District huamchhung atan atul dan azirin, uluk taka an District dinhmun zir chian hnuah, inkhuahkhirhna/ inkaihhruaina an siam belh thei ang.

E. HREMNA DAN

He thupek zawm lo chu Disaster Management Act, 2001, Section 51 atanga 60, the Mizoram (Containment & Prevention of the  spread of COVID- 19) Act, 2020 leh IPC Section 188 hmangin hrem theih an ni.

Sawrkarin heng thuchhuah a siam te hi a tul dan azirin a ennawnin a tidanglam thei ang.