Aizawl | May 28, 2021: Dr Eric Zomawia, Mission Director, National Health Mission, Mizoram chuan National Health Mission hnuaia State Quality Assurance Programme bultuma Labour room (Nauneihna room) ti changtlung tura hmalakna “LaQshya Initiative” kal zelah Mamit District Hospital Nauneihna Room chu India rama Labour Room(Nauneihna) tha “LaQshya Certificate” pek a nih thu a sawi.
Dr Eric Zomawia Mamit District Hospital Labour room chu March ni 30, 2021 khan National Level Virtual Assessment neih a nih thu sawiin, he endiknaah hian LaQshya Checklist hmangin endik a ni a, thawktute thiamna leh hawihhawmna, faina, bawlhlawh sawngbawl leh natna darh tur venna kawnga hmalakna te endik a ni, a ti a. Check points ringawt pawh 300 a awm a ni, a ti.
LaQshya Certificate dawng tur hian 70% hmuh a ngai a, mark hmuh tam dan a zirin hetiang hian then hran leh a ni - Silver Certification-70% - 79%, Gold Certification 80% - 89% leh Platinum Certification 90% leh a chung lam.
He endiknaah hian Mamit District Hospital Labour Room chuan 93% hmuin, certificate awm thei sang ber LaQshya National Quality Assurance Standard Platinum Certification a hmu a ni.
Post a Comment
He post chungchanga i ngaihdan lo sawi ve rawh: