Vei deuh pakhat ka nei ve a, 'Feminism' kan tih hi a ni. Tunlai-ah an theh lar bawk a, tlem a zawng chauh theihna zawn ah sawi ve ila. A zawng zawng leh hrilh fiahna zawng zawng sawi lan dawn chuan thui tak ziah a ngai anga mahse tlem te hi sawi lan leh hriat ve ngai awm in ka hria a, heti lai hmun-ah hian sawi ve teh ang. Kan sawi hma in thu hma atan engnge Feminism hi awmzia dik tak leh a tum tak hi kan bihchiang ve tawh reng em? What's inside feminism hi kan hriatchian loh chuan kan hriat loh avangin buaina emaw intihthiamlohna emaw a awm fo ang.
A zirna lamah chuan English literature zir chuan kan hria anga, kan luh thuk pui tawh viau ani BA, MA ah te chuan kan lo zir tawh a. Feminism tih reng reng hian kum zabi 19na (19cent) hma lam zawng ah chuan hmeichhia te hi second sex kan nihna angin enhniam kan ni a, hnathawh te leh vote thlak te phal loh an ni thin. Chuti anih avangin hmeichhe voice nei thei tam tak (hetah chuan an hming sawi kher a tangkailo kan sawi tum ber a nih loh avangin) rawn chhuak chho tanin kum zabi 19na (19cent) tawp lam atang chuta an thupui rawn ken 'Feminism' ah chuan alang chiang em em a ni.
Feminism hi Wave thum (thlur thum 1st wave - 3rd wave) in then ani a, chung chuan tum thuhmun leh goal pakhat a nei. Feminism in a tum chu hmeichhia te dinhmun (rah beh an nih reng kha) ngai reng a awm tawh lovin mipa ten an tih thin heng- social, political, economy ah te hian mipa angin zir naah, khawtlang inrelbawl naah, sum leh pai, politics(right to vote) ah te chanvo neih ve a ni. 'The goal of feminism is to challenge the systemic inequalities women face on a daily basis' tih 'Ni tin nun kalphung-ah mipa-te laka en hran an nih thinna lak ata hmeichhiate chhanchhuah' tih hi an tum ber, hlenchhuah tum a ni. Engnge a awmzia tih hi kan hriatchian a ngai a, topic sensitive a nihna angin a sawi tur kan influencer te hian a hrul-ah nilo leh inti feminist ringawt lova a tum hi hriatchian kan ngai ta ber a ni.
 |
| Machhuani |
Feminism in a huam chhung bak pel a chet leh intih feminist viau hi a diklo thei bawk. Tunlai ah chuan hmeichhia ten hmanlai a an hmalakna tam tak rah kha kan seng mek a - chung zingah chuan hmeichhia ten zirna sang tak te ,equal pay, khawtlâng inrelbawlnaah chanvo sang tak kan chelh mek te hi ani. Awmzia chu feminism hi i hrechiang ang u kan tawngpawng intih feminist viau hian athupui hi kan thelh duai thei. Ka sawi tlem te atang hian ngaihdan in lo siam theih ka ring, a bak chu sawi thui ka tum lo. Topic raise tur chuan kan topic hriatchian a pawimawh ber fo dawn a ni.
he tiang anga min chawp chuah sak vang kn lom hle mai kn tangkai pui letk
ReplyDeletePost a Comment
He post chungchanga i ngaihdan lo sawi ve rawh: