Post-Matric scholarship karleh laihawl atanga sem ngei tum a ni - MSB, MZUSC, MZP, MSU

Aizawl | May 28, 2021:. Vawiin khan Mizoram Scholarship Board (MSB) hotute leh Mizoram University Students' Council (MZUSC) aiawh, MZP aiawh leh MSU aiawhte inhmuhkhawm a ni a. He hunah hian scholarship sem vat a nih theih dan tur sawihona neih a ni.

Scholarship hi PFMS kaltlanga sem tur a nih tawh avangin hmanhmawh taka tih zung zung theih a ni lo a. 1st installment erawh karkhat chhunga sem zawh hman tum a nih thu scholarship board hotute chuan an sawi a. System thar hmanga sem tur a nih avang leh, COVID-19 avanga harsatna hrang hrang avangin duh aia tlaia sem a ni dawn hi pawi an tih thute sawiin, nakum lamah chuan a rang thei ang bera sem a nih theih ngeina turin sawihona leh ruahmanna siam a ni a. Hemi tur hian zirna In hrang hranga scholarship verification pawh zirtirtu leh staff lamte pawhin hmanhmawh leh felfai zawka an tih a tul thu sawi a ni bawk. 

Zirlai 1st installment chang nghal lote pawh chi-ai mai lo turin leh, 2nd installment chu rei tak thang tur a nih loh thute sawiin, a rang thei ang berin a dawngtu turte'n an dawn vat theih ngei nan hma lak mek a nih thute sawiho a ni.