LAD Minister hovin Village Council ten hripui leng vanga harsatna an sut kian theih dan tur rel

Aizawl, 24th May, 2021 : Vawiin khan LAD Minister Pu K. Lalrinliana hovin LAD Directorate office-ah Department hmalakna hrang hrang thlirhona neih a ni.


Vawiin thlirhonaah hian Financial Year 2021–22 chhunga Finance Ministry in 15th Finance Commission Grant (Untied) 1st Installment cheng vaibelchhe 13.8 a rawn pek chhuah hma (advance release) chungchang sawiho a ni a, hemi chungchangah hian sawrkar sum leh pai hman dan kalphung tam tak zawm ngai a awm avangin a tul ang a 11th Scheduled a subject tarlan angin  ruahmanna siam nise tia rel a ni a. Village Council (V/C) hrang hrangten anmahni khua/veng mamawh tul zual leh COVID-19 avanga harsatna te sutkian nan ruahmanna siam se tiin an rel bawk.  
Vawiin meetingah hian COVID-19 second wave avanga thingtlang lam   V/C ten harsatna an tawhte sutkian nan, Finance Department in Financial Year 2020–21 atana 15th Finance Commission Grant  a lo release tawh leh V/C te account a transfer fel tawhte chu thingtlang lam ten an chhawr theih nan work order pek nghal nise tia rel a ni bawk.

- DIPR

Post a Comment

0 Comments