Zirlaite tan stationery dawr hawng phal

Aizawl | May 24, 2021: AMC huamchhunga Bazar hawn ni-ah chawhmeh leh chakkhai dawr bakah Stationery dawrte hawn phal a ni.



Zirlai ten stationery mamawh an lei theih nan Stationery dawrte chu 25.05.2021, Thawhlehni (Tuesday) leh 28.05.2021, Zirtawpni (Friday)-ah zing dar 5:00 aṭanga tlai dar 5:00 thleng LLTF/VLTF te hriatpuina-in hawn theih a ni ang.




Heng dawrah te hian sawrkarin inkaihhruaina a tihchhuah-te tha taka zawm tur a ni.

Hei hi zirlai exam hmachhawn tur leh zirlaite mamawh lei nan tih a ni a, thil lei turte erawhin LLTF atangin chhuahvah phalna an lak a ngai thung.


Hetia Stationery dawr hawng tur hian MZU Students Council chuan Mizoram Chief secretary hnenah May 21 khan dilna an lo thlen tawh a ni.

Post a Comment

0 Comments