Kolasib pa CT Mawia'n Kolasib bawrhsap hnenah hri leng do nan motor a pe!

Aizawl | May 13, 2021: Kolasib pa CT Mawia chuan vawiin khan hrileng do nana a tul apianga hman turin Kolasib bawrhsap hnenah motor thar a hlan.

Vawiin chawhnu khan DC Office, Kolasib tualzawl ah Pu CT Mawia, CZS Chhungkua, Diakkawn chuan hrileng dona atana a tul apiang a hman turin DC Office, Kolasib hnenah Maruti Suzuki Eeco Van a pe a, DC Office aiawhin Deputy Commissioner Dr H Lalthlangliana hnenah chahbi a hlan a ni.


Deputy Commissioner, Kolasib chuan hri dona kawnga lirthei mamawhna a nasat lai tak a, mi inphalte atanga lirthei ruahman a ni chu lawmawm a tih thu a sawi a, Kolasib district-in hri dona kawng a hma a lakna ah tangkai tak a hman a nih tur thu a sawi bawk a ni.

Post a Comment

0 Comments