COVID-19: Serlui Bialtu MLA-in a bial chhunga positive te kanna hlan

Aizawl | May 13, 2021:  Serlui bialtu Lalrinsanga Ralte chuan a bial chhunga Positive awm zawng zawng te kan na a pe.

MLA Lalrinsanga Ralte hian immunity & Protection kits siamin bag pakhatah an mamawh tur chi hrang hrang khung khwmin a pe a, tin mineral water case 1 theuh a pe bawk.

He a thil pekah hian MLA Lalrinsanga chuan,"dam taka in rawn chhuah leh vat theih nan duhsakna ka hlan a che u. Harsatna in neih chuan min rawn hrilh zel dawn nia." tih ziakin a hming leh phone  number a dah bawk a ni.

Covid-19 hian mirethei leh hausa min hrut chho mek niin a lang ta a. Inhlawhfa chawp ni 10 Home Quarantine a awm hnua test positive ta, bangbo taka CCC a dahluh enkawlna tur nei lo leh a tih ngaihna pawh hre chuang lote tan a thil tih hi a lawmawm zual ngawt ang. Pu Rsa serlui bialtu MLA hi Covid -19 ah chuan Frontline MLA a tih theih hial awm a sin.

Pu Lalrinsanga Ralte hian vawiin khan Bilkhawthlir PHC-ah Ambulance a hlan a, hemi bakah hian Bilkhawthlir North leh South, Saiphai leh North Chawnpui VLTF-te tlawhin hri dona kawnga a țul apianga hman atan sumfai, hmaituamna leh Hand Sanitizer a hlan țheuh bawk a ni.