Aizawl | May 9, 2021: Health Minister Dr. R.Lalthangliana'n Lengpui-a Community Covid Care Centre (CCCC) atana hman mek Government Middle School-I tlawhin CCCC mamawh chi hrang hrang a pe a, Oxgygen Concentrator leh damdawi thahnem tak bakah sumfai a hlan a ni.
Health Minister chuan Lengpui chu Mizoram luhkapui ber pakhat a ni a, nitin phai lam atanga zin haw thlawhtheihna rawn tum thinna hmun a nih vangin tunlai boruakah phei chuan thawktute tan pawh fimkhur a ngai lehzual em em a ni, a ti a. An hnathawh mek chu mihring hriselna leh nunna hial thapa thawh ngai a nih vangin tlawmngaihna leh mihringpuite hmangaihna tak tak nen lo chuan thawh ngam chi a ni lo, a ti a. Mizoram puma COVID-19 hri kaite enkawlna hmuna duty te leh Frontline worker zawng zawngte hnathawh chu ropui a tih thu sawiin, Zoram mipuite pawhin an tan bang lova kan tawngtai a ngai a ni, a ti.
Minister hian Lengpui tumhmuna thawktute pawh tlawhin tumhmuna thawktute te hian an mamawh chi hrang hrangte Minister hnenah hian an lo thlen a, Minister chuan puih an ngaihna leh an mamawh angte chu lo ensak a tiam a, an harsatna tawhte leh mamawhte chu inthlahrung lova sawi zel turin a hrilh a ni.
Minister hian nimin khan Union Health Minister Dr.Harsh Vardhan chu telephone-a a biak thu sawiin COVID-19 hri kaite enkawlna damdawi man to 'Tocilizumab' pe tura a nawr thu a sawi a, Vaccine pawh thawn thuai turin a ngen tih a sawi bawk.
Minister hian Lengpui tumhmuna thawktute pawh tlawhin tumhmuna thawktute te hian an mamawh chi hrang hrangte Minister hnenah hian an lo thlen a, Minister chuan puih an ngaihna leh an mamawh angte chu lo ensak a tiam a, an harsatna tawhte leh mamawhte chu inthlahrung lova sawi zel turin a hrilh a ni.
Minister hian nimin khan Union Health Minister Dr.Harsh Vardhan chu telephone-a a biak thu sawiin COVID-19 hri kaite enkawlna damdawi man to 'Tocilizumab' pe tura a nawr thu a sawi a, Vaccine pawh thawn thuai turin a ngen tih a sawi bawk.
Post a Comment
He post chungchanga i ngaihdan lo sawi ve rawh: