Aizawl | May 9, 2021: Vanduaithlak takin vawiin khan hri pui vangin mipa pahnihin nunna an chan a, chutih rualin, hri vei enkawl dam tawh mi 81 in enkawlna hmun an chhuahsan.
Sawrkar thuchhuahin a tarlan danin, Vanduaithlak takin Pu Lalneihliana (87), Bethlehem Vengthlang chu vawiin tlai dar 3:50 khan COVID Pneumonia avangin a boral.
Lalneihliana hi April 29 khan hri a kai tih hriatchhuah niin ZMC ICU ah 02.05.21 khan dah luh a ni.
 |
| Thlalak hi Mizoram a ni lo. News tichiang thei tura dah mai a ni. |
Vanduaithlak takin Pu Bawihluta (82), Thakthing Veng chu COVID19 pneumonia avangin vawiin (09.05.21) chawhnu dar 1 khan ZMC-ah a boral. COVID19 hri a kai tih hmuhchhuah a nih hnuah ZMC-ah 24.04.21 khan dah luh a ni a, 26.04.21 atangin ICU ah enkawl a ni.
Vawiin khan, tlai lam dar nga thleng khan COVID19 vei enkawlna hmun atangin mi 81 an chhuak.
hri vei chhuakte hi Aizawl-62, Lawngtlai-13, Kolasib-2, Serchhip-2, Mamit-1 leh Saitual-1 te an ni.
Tun dinhmun-ah Hripui vanga boral 19 an awm a, dam tawh mi 5664 awmin, hri vei enkawl lai mi 1867 an ni mek a, hri vei hmuhchhuah tawh hrim hrim hi mi 7550 an ni tawh a ni.
Post a Comment
He post chungchanga i ngaihdan lo sawi ve rawh: