RIPANS leh Health Worker Training School zirlai-ten hripui dona-ah sawrkar pui!

Aizawl | May 9, 2021: RIPANS leh Health Worker Training School Kulikawn zirlaite chuan hripui dona kawngah lawmman phut lovin sawrkar an pui.

Mizoram sorkar ngenna angin RIPANS-a zirlai 70 vel chuan lawmman phut lovin Covid-19 donaah sorkar an pui mek.

He thu hi AIR Aizawl chuan tarlangin,  RIPANS Duty Coordinator Dr H Lalhlenmawia atanga thu dawn danin, kar kalta atang khan RIPANS Final Year zirlai 70 vel chuan sorkar an pui tan a, B.Sc Nursing leh Master of Pharmacy zirlai ten hri danna pekchhuah kawngah an pui a, Medical Laboratory Technician ten sample lakkhawm an pui a ni.
Hei bakah hian RIPANS faculty lam atangin doctor te chu CCC vil turin an inbuatsaih chho tan ni a thudawn a ni a, anni hian counselling leh damlo enkawl kawngah te an pui dawn a ni.
 COVID19 hripui dona kawngah hian sorkar chuan a hman tangkai theih ang ang te hnuk hnaiin, an puihna a ngen a, RIPANS pawh hian an theihna apiangah sorkar puiin COVID19 sample endikna laboratory siam thlengin an pui a ni.

Hetihlai Health Worker Training School Kulikawn  zirlai 50 chuang chuan Aizawl khawchhunga vaccine pekna-ah sorkar an pui a, a tul huna che chhuak turin an inpeih reng tih tih AIR Aizawl chuan a tarlang.

Post a Comment

0 Comments