COVID-19: Hripui vangin hmeichhe pahnih boral; Enkawl dam mi 55-in enkawlna chhuahsan

Aizawl | may 23, 2021: Vanduaithlak takin Pi Zoramnghingi (50) Maubawk, Aizawl chu vawiin 23.5.21, 1:30 PM khan Covid-19 Pneumonia vangin ZMC ah a boral. Amah hi SLE, kal leh thyroid thalo nei sa a ni. 7.5.21 khan hri a kai tih hmuhchhuah niin ZMC ah admit a ni a, 13.5.21 ah ICU ah dahluh a ni.

Vanduaithlak takin Pi Thatinkipi (49), Chhinga veng chu vawiin 23/5/21 dar 3:00PM khan ZMC-ah a boral. 20/5/21 khan Covid-19 positive a ni tih hriatchhuah a ni a, hemi ni hian ZMC ICU ah dah luh nghal a ni. Amah hi kal (Kidney) tha lo nei sa a ni.


Thlalak hi Mizoram a ni lo. News tichiang thei tura dah mai a ni


Vawiin tlai dar 5 thleng khan COVID-19 vei enkawlna hmun atangin mi 55 an chhuak. Heng dam tawh chhuak ta te hi Aizawl - 43, Lunglei - 6, Mamit - 3, Serchhip - 2 leh Champhai - 1 te an ni.

Vawiin tlai thleng khan hri vei hmuhchhuah tawh zawng zawng hi mi 10,220 niin, enkawl dam tawh mi 7,791 an ni a, enkawl lai mi 2,396 awmin, hri vei vanga nunna chan hi mi 33 an tling tawh  a ni.

Post a Comment

0 Comments