Boxer Lalbuatsaihi chak zo ta lo; Silver medal nen lo haw dawn

Aizawl | May 30, 2021: ASBC Asian Boxing Championship 2021 Women's final-ah Lalbuatsaihi a chak zo ta lo.

Kazakhstan hmeichhia Milana Safronova  chuan Mizo nula Lalbuatsaihi chu split decission 3-2 in a hneh ta a ni. 

Bsi hian gold medal la zo lo mahse silver medal nen a lo haw dawn a ni.

Zanin chu India zan a ni lo a tih theih a, MC Mary Kom pawhin a khelhpui a hneh zo lova. Silver medal nen an lo haw dawn a ni.

An inhnek lai Live a en theihna: https://www.youtube.com/watch?v=M6-c29_NqgI

Lawmman atana sum senral tur emaw sum dah zawng zawng hi $400,000 niin, Gold medalist hnenah $10,000 hlan an ni ang a, silver medallist hnenah $5,000 niin, bronze medalist-ten $2,500 an dawng thung ang.

He Tourney hi India a nghah tura ruahman ni mahse, hripui vangin Dubai-ah sawn a ni.

Bs-i ruala India aiawhtu India squad te;

Indian squad: (Men): Vinod Tanwar (49kg), Amit Panghal (52kg), Mohammad Hussamuddin (56kg), Varinder Singh (60kg), Shiva Thapa (64kg), Vikas Krishan (69kg), Ashish Kumar (75kg), Sumit Sangwan (81kg), Sanjeet (91kg) and Narender (+91kg).

(Women): Monika (48kg), MC Mary Kom (51kg), Sakshi (54kg), Jasmine (57kg), Simranjeet Kaur (60kg), Lalbuatsaihi (64kg), Lovlina Borgohain (69kg), Pooja Rani (75kg), Saweety (81kg) and Anupama (+81kg)

(Lawmman chungchang: India pawisa-in US dollar 1 hi cheng 72 vel a ni a, Gold medalist hian cheng 7,20,000 vel an dawng ang a, Silver hian 3,60,000 vel niin, Bronze hian 1,80,000 bawr vel an dawng dawn a ni.)

2019 a medal a lak tawh chungchang news kimchang HETAH hian dah a ni.