Aizawl | August 16, 2019: World Police & Fire Games ‘19 Chengdu, China-a neih mekah Mizo nula chhuanawm tak tak Lalbuatsaihi, Vanlalduati leh Lalfakmawii ten Boxing ah Medal pathum an la.
Lalbuatsaihi chuan Kg 64 ah a khingpui hnehin Gold Medal a la a. Vanlalduati pawhin Kg 51-ah Gold Medal a la a, Lalfakmawii chuan 81+ Kg ah Silver a la bawk.
Mizo nulate an chhuanawm takzet.
Hemi chungchang hi Sports minister Robert Romawia Royte pawhin Twitter ah tweet nghalin, a chhuan thu a tarlang nghe nghe a ni.
Zo Lanute an che tha leh ta!!— Robert Romawia Royte (@robertroyte) August 16, 2019
World Police & Fire Games ‘19 Chengdu,Chinaa neih mekah Mizo nula chhuanawm tak tak Lalbuatsaihi (64 Kg-Gold Medal), Vanlalduati (51 KG-Gold Medal),Lalfakmawii 81+-Silver - Kan chhuang tak zet a che u.
Salute Zo Girls#fitmizoram pic.twitter.com/KTeIb3QRIb
Sports & Youth Services minister, a enkawlte ngaihsak em em kan nei hi infiammite tan a thlamuanthlak takzet a ni.
The California Police Olympics chu 1967 khan neih a ni a. Chu chuan World Police & Fire Games Federation din turin a nawr tlu ta a, Kum 1983 ah din a ni nghe nghe. Chumi hnu, kum hnih hnuah 1985 khan World Police & Fire Games hmasa ber chu infiammi 5,000 nen San Jose, California, USA ah neih a lo ni tawh ani.
Kumin hian China-in a thleng a, 2021 hian Rotterdam, Netherlands ah thleng lehin 2023 hian Winnipeg, Canada ah nghah a ni thung ang.
Post a Comment
He post chungchanga i ngaihdan lo sawi ve rawh: