SAVUN KAWRFUAL CHU VAN KAWRFUALIN

- Lalrammawia Ngente

Thu leh hla leh Krista chanchin tha hmanga a dam chhunga Pathian tana thawktu Rev. Lalhmingchhuanga Zongte chuan chatuan ram min lo pansan ta. Savun kawr fual hlipin Van ropuina kawr fual a ha ta.

Rev. Lalhmingchhuanga Zongte hi a lehkhabu 'Savun Kawrfual' atanga ka hriat, Book of the Year, 2017 lawmman a dawn tuma a hmel ngei ka hmuh kha a ni a. Mizo pa, ringtu tha, pa dam ruih mai kha a ni a. A hnuah a thusawi video clip ka hmu a, ka ngaithla deuh zel a. Zorama kohhrante hmasawnna tura thahnem a ngaihna ka hmuhpuiin ka hriatpui ve a ni.

Pastor te zingah thusawi leh ziak lama mi bik an awm nual a, chung zinga arsi eng tak chu amah hi a ni. A lehkhabu chhiar tan chuan kan ram siam thatna tura Pathian thu hman dik pawimawhzia hi hmuh hmaih rual a ni lo. La damin lehkhabu tam tak min hnutchhiah se, a thuchah tam zawk ngaihthlak tur awm se tia beiseina sang tak nena ka lo thlir laiin thihna kut vawt chuan a man ta si.

I liam ta maw,

Krista pasaltha

Savun kawrfual hlipa

Van kawrfual hain.

Lalpa hmangaihte hmangaiha

I ziakfung lek leh

I anka ropui te

A nung reng ang

Zofate tan.

Mi ropui, mang tha le

Lui ralah kan intawk

Leh ngei dawn nia.

Lalrammawia Ngente