Assam CM atan Himanta Biswa Sarma lalut

Aizawl | May 10, 2021: BJP hruaitu hlun Dr Himanta Biswa Sarma chu  vawiin khan Assam Chief Minister thar atan lakluh a ni.


Covid-19 hri leng laka him turin Chief Minister lakluhna turah hian ruahmanna siam vek a ni a. Assam Chief Minister lakluhnaah hian Hmarchhak state thenkhat Chief Minister-te leh NDA hruaitute an tel bakah, BJP National presideny JP Nadda a tel a, BJP hruaitu bakah opposition hruaitu lute an tel bawk a ni.
Dr Himanta Biswa Sarma hi nimin khan chuhtu awm lovin BJP Legislature Party leader atan thlan tlin a ni a. Chief Minister kalchhuak ta Sarbananda Sonowal chuan BJP Legislature Party leader atan hian a rawt a ni.
Dr Himanta Biswa Sarma hi term liam ta-ah khan Assam Health minister a nih bakah NEDA-ah hian a hruaitu lu a ni bawk a ni.

Assam CM 15na atana lakluh thar chuan, "Assam-ah hripui thunun  anih hma chuan Northeast ah thunun theih a ni dawn lo," tiin naktuk khian a cabinet te hemi chungchangah hian an thutkhawm nghal tur thu a sawi.

A rual hian Minister 13 lakluh an ni a, Assam Governor Jagdish Mukhi -in a lalut  a ni.

Post a Comment

0 Comments