Mizoram pumah eirawngbawlna gas hralh chhuah leh sem titawp rih!

Aizawl | May 10, 2021: Mizoram pum LPG Distributors’ Association chuan vawiin aţang khan Mizoram pumah eirawngbawlna gas hralh chhuahna bakah mipui hnena eirawngbawlna gas pek chhuah chu a titawp rih dawn.


LPG Distributors’ Association hruaitu Pu H. Zosangliana chuan tunlai hrileng darh chak dan leh Second wave Mipui a a thawh dan thlir in, Gas semchhuah leh Office Showroom hawn hi  hnathawk te tan a him ta lo nia an hriat thu a sawi a. Mizoram pum LPG services a hnathawk te hi Covid-19 hri danna la lo an nih avangin leh Assam atanga LPG rawn phurluttute hi endikna paltlang lo a rawn chho an ni a, hetiang dinhmun a nih avang hian, a him loh mai bakah, mipui a Covid-19 hri thehdarhtu nih theihna a sân tak em a avangin, eirawngbawlna gas hralhchhuahna khar leh mipui hnena sem chu an chawlhsan ta a ni. An dinhmun hi sorkarah an thlen a, mahse hri danna hi pek theih an nih mai loh avangin hetiang hian thutlukna an siam ta niin a sawi a ni.

Hetih lai hian Barak Valley Packed LPG Transporter Association chuan vawiin atang vek khan eirawngbawlna gas phurh an tum tawh loh thu Silchar-a Indane Bottling Plant a Chief Plant Manager hnenah an hriattir a ni.

Post a Comment

0 Comments