Lunglei leh a chhehvel ram kang - UPDATE

Aizawl | April 25, 2021: Lunglei leh a chhehvel kang boruak kal zel-ah Tukin zing lam ah IAF lam chuan Scout/information tir in Lunglei leh a chheh vel ram te enthlithlaina hun a nei a ni.

Nimin lama thlalak a ni

[ Nimin lama update chhiar tur HETAH hian a awm e.]

Tun dinhmun ah hian kang sawi tur a awm lova, nimahsela, mut hi ala awm ve reng avang hian fimkhur thu hla ah inrin reng erawh a la ngai.


Thlawhna pawh LOC Kawmzawl-ah a tum ta ngei e.

Nizan khan EF&CC Minister Pu TJ Lalnuntluanga leh MLA Lalrinsanga Ralte te chuan a hmun a thil awmdan te enfiah a zir turin Lunglei an thleng bawk.

Nizan vek khan Aizawl aṭanga Fire team kal te'n Lunglei an thleng a, an rawn thlen veleh kang awm hmun ngei-ah kang ṭhelh in an tlan chhuak nghal bawk a ni.



8:30 AM:
Thlawhna hmanga kang thelh nana Tui châwi na'n Tlabung a hla tham deuha an hriat avangin, Tuipui D lam zawk an châwi dawn a nih hmel. 
Tlabung mipui inhuamin, Lunglei mipui leh IAF lam duhsak viau-in Bambi bucket an tih maiin tui a suahna lai tur atan khawtlangin a kum têl teh meuh tlaivâra an vên no-fishing zone huamchhung, sangha tam tak awm tawhna chu hlan phal mahse, a hlat tham avangin Tuipui D an tum ta zawk niin Tlabung Post chuan a tarlang.

9:00 AM:
Scout Chopper a let leh a, dar 10 hian Mi17 V5 Chopper Bambi Bucket tui lts 15,000 phur thei nen a rawn thawkchhuak ang.

Tuichawina tur Tuipui D te a enfiah leh phawt a, hmalak zui zel tum a ni dawn a ni.

12:50 PM:
Kangthelhna tur Helcopter MI17 B5 chu a lo thleng ta a. Tunah hian Lunglei DC hoin an thlawk chhuak leh a, Tuipui D an pan ang a, hetah hian Tui thalna tur li tha YMA lamin an lo buaipui a, chumi hnuah khawi lai nge phuh hmasak tur chi (priority) an en kual ang a, tichuan tui chawiin an chhuak ang a, an che tan dawn a ni. - Gilbert Renthlei


1:00 PM:
- Tuipui D ah tui chawi a rem nia thu dawn a ni. ruahmanna dang a kal tluan chuan tui hi chawiin hna an tan vat thei turah ngaih  a ni.

1:30 PM:
Vawiina Rahsi veng mawng ram kang chu hal luih nia hriat a ni a, a haltu pawh a bul huana khanghu lo mekin a hmu niin thudawn a ni.



1:50 PM:
Kang thelh hna thawk tak tak turin IAF thlawhna a inbuatsaih mek.

2: 00 PM:
Zotlang kham, kang reh hleitheilo a phuh hmasa anga, chumi hnuah Serkawn, Bazar veng, College veng, Venghlun phuh lehin chumi hnuah Venglai, Chanmari, Ramthar leh Lunglawn kham a phuh leh dawn niin thu dawn a ni.

3:30 PM:
Tui chawia ram kang lai thelh turin thlawhna a thlawk tan tawh niin thu dawn a ni.
Thlawhna hmang hian Lunglei leh a chhehvela kang chhuahna te thelh mih vek tum  ani.



Mipuiin thlawhna che lai hmuh chakin an thlir thap.

• IAF helicopter Mi-17V5 pahnih tui litre 3500 dawng bambi bucket hmang ten vawiin tlai khan Lunglei Zotlang ram kang thelhin, vawihnih tuia an phuh hnuah an chawlhsan rih.

A ṭul thulha che chhuak leh thei turin IAF mi 8 ten Lungleiah chamchilh a, a ṭul chuan naktuk lamah kang thelh hna an chhunzawm leh dawn a ni.

.....

Post a Comment

He post chungchanga i ngaihdan lo sawi ve rawh:

Previous Post Next Post