LUNGLEI RAM KANG - Update |

# Post hi update a, siamthat reng a ni a, Copy/screenshot mai lovin link hi i lo share zawk dawn nia.


Aizawl | April 25, 2021: Nimin zing dar 7 vel atanga Lunglei-a kangmei chhuak chuan ziaawm lam aiin zual lam a la pan zel.


Tukin zing dar 8:30 vel khan Zotlang kham kangin, Petrol pump bul a kang nasa hle a ni.

Khua a thalin ram a rova, ram kang hi thelh a har hla a. tui a vang bawk sia, Lungleiin puitu an mamawh a ni!


8:40 AM:
Zotlang-a Jedaz Petrol Pump chhak, kawng chhak lam a kang kai a, Kangthelh pawl lamin petrol pump hi a kan kai loh nan an veng tawp mai a ni.


Petrol pump chhak lam a kang kai:


10:00 AM: Bazar veng leh College veng inrina-ah kang mei a chhuak leh niin hriat a ni a, thalai an inko khawm mek a. Kang thawm a na hle nia thu dawn a ni.
* Nimin lama thelh mih tawh nia hriat, tukina rawn kang nawn leh a ni a, a buaithlak hle a ni.



10:40 AM:
Chanmari kham pawh a la kang a, an buaipui leh mek nia thudawn a ni. Civil hosipital thawktu zawng zawng kang thelh turin an inngen a. Hospital a kang thelhna hmarua te enfel turin Medical superintendent in thu a chhuah bawk.

"Tunah hian Chanmari tlaklam, Civil Hospital Lunglei hnuai a kang leh mek a. Civil Hospital staff, Chanmari veng ni kherlo te pawh kangthelh a hnatlang turin kan in ngen e. Tin, Ward z.z, OPD leh Laboratory in charge ten mahni Fire Extinguisher theuhte enfel vek a inring turin kan inhriattir bawk e. Thil pawimawh a awm chuan Med Supt or Nursing Supt te hriattir ni se."
- Medical Superintendent, Civil Hospital Lunglei.

11:00 AM:
Thudawnnain a tarlan danin, Khua a ro a, tui a vang si a, Kangthelh pawl pawhin tui mamawh khawp an hmu lova, kang thelh a buaithlak hle  a ni.

11:20 AM:
# Ram tikangtu nia rinhlelh pahnih an nei tawh, mahse, chian a la nih loh vangin an sawi thei rih lo niin thudawn a ni.
# Tlawng a kang a, Tui a tlem khawp mai.
# Mimal tui chawi thinte'n tui an chawipui a, Kangthelh Pawl-te an kual zak zak mai a ni.


12:00:
# Hmasawnna duhawm hmuh tur a la awm rih lo.
# Tui chawiin Pickup tam tak an thawk chhuak mek zel.
# Kangthelh Pawl ami leh mipui zinga mi hliam tenau tuar an awm nia thu dawn a ni.

12:30:
Kangthelh Pawl tui a chatlak loh nan tuichawi motor tam tak tui chawiin an thawh chhuah tir a, an inpumpek tawp a ni. Lunglei chhan nan mi tinin an theihna kawng theuh-ah tha an thawh mup mup reng.


1:20 PM:
Fire & Emergency Services Director C Lalthanmawia chuan thuchhuah hmanhmawh siamin, Aizawl atangin Lunglei pui turin thawktu an intir phei. Thuchhuah chuan, "Lunglei khawpui chuan ram kang nasa tak a hmachhawn mek a. Kangmei hi tun dinhmunah tih mih mai a la beiseiawm lo nia a lan avangin motor leh mihring thawn belh a tulin a lang ta a. Chuvang chuan Lunglei FS te puibawm turin heng a hnuaia staff leh motor te hi Lunglei pana kal nghal tura hriattir an ni e." a ti a, "SO Lalbiaksanga..F&ES Hqrs, Fm Hmingthanzama Kawlni, Kulikawn FS, Fm Laltanpuia..F&ES Hqrs, Fm Malsawmsela..F&ES Hqrs, Fm Vanlalfela.. ITI FS, FM Vanlalkima, F&ES Hqts, Dvr Lalfamkima, Khatla FS leh Fire Tender: MZ 01 7064(Tanker)  leh MZ 01 M 3381 (ART)" te chu kal tura hriattir an ni.

1:40 PM:
Lunglei chanmari venga Jio office building thlang kangin, he kangmei hian in a rawn hnaih hle.

2:00 PM:
Chanmari tlak lam kham phei kangin, BCM Biak in thlang lawk chu kang thlengin, a nasa hle a. Kangmei a la ziaawm thei lova, thunun theih a ni lo. kham pangper kangmei a la chak hle.

2:30 PM:
Lunglei chhevel kang thelh turin Chief Minister Zoramthanga chuan Indian Airforce te bia in Chief Secretary leh Air force hotute'n sawi ho nghal turin ruahmanna hman hmawh an siam niin thu dawn a ni a, he thu hi HPC vice chairman Lawmawma Tochhawng MLA pawh hriattir a ni tawh niin thu  a darh mek.

3:00 PM:
Sawrkar in kangmei chhuah chhan chhui chiang dawn. chhui chiang tura mawhphurtu magistrate a ruat. HETAH thu chiang zawkin dah a ni.

5:00 PM:
Kang thelh turin IAF thlawhna hman tum niin, Tlabung khawthlang tuipui ami tui chawi tum nia Tlabung Post chuan a tarlang. Kimchang zawkin HETAH a awm e.

5:40 PM: Kang thelh nan thlawhna Mi-17V5 helicopter pahnih hman phal a nih thu hi Defence PRO Shillong pawhin Twitter-ah an tarlang tawh a ni.

11:30 PM:
Lunglei chhehvel kang a reh thei lo. Lunglawn lamah kang awm lehin, Upper Lunglawn, AIR hnuai lam a kang leh thut a, a bul vela awm te an ralkhelin a hlauhawm hle a ni. Rauri ram kangin hlet a chhuah mek bawk.

11: 50 PM:
AIR Lunglei bul kham kang chuan TV Quarter an tih mai thin, Doordarshan ho quarter a kang kai a. MAhse, a chhung a kang em? Bungrua eng ang nge kang chhia erawh hriat theih a la ni lo!









Thlalak hrang hrang:


















Nimin nileng leh nizan tlaivara kang thelh tura an beih hnu-ah mihring ve tho an nih zia langin, an chau tawh hle! Mahse, chawlhsan an tum lo!










------------------


Nimin lam report:

Aizawl | April 24, 2021: Mizoram hmun hrang hrangah vawiin khan ram a kangin kangmei a chhuak a, kangmei chhuak te hi hmun thenkhatah chuan thelhmih theih a la ni lo.





Lunglei Serkawna ram kang pawha mit hleithei lova, Serkawn bakah Ramzotlang a kang kai a, In a kang hnai nia thu dawn a ni.

Vawiin ram kang tuar zingah hian Serchhip, Tlabung kawrpuichhuah leh Lurhtlang, Champhai district te an tel a. Hmun dang chanchin ngaihchan mek a ni.

Tukin zing lam dar 7:30 vel khan Lunglei khawpui Hmarthlang lam Saisih ram atangin kang mei a chhuak a, Bazar Veng , Serkawn leh Zotlang lamah  mei hi kal zelin hmun thenkhatah chuan chenna  In te pawh a kan  chhiat hlauhthawn thil thu  ah buangraw thiar chhuah a ngai hial niin a ni.

Kangmeiin a tih buai theih veng thenkhat, College Veng, Rahsiveng, Bazarveng, Serkawn leh Zotlanga mi tlawmngai te bakah Fire Deptt te chuan vawiin nilengin ram kang hi thelh mih tumin buaipui mahse vawiin tlai chanchinthar buatsaih lai thleng hian thelhmih theih a ni lo. 

Kangmei chhuah chhanah hian mawhphurtu hriat la ni lo mahse mi pahnih rinhlelh an nei a,  finfiahna an neih loh avangin an la sawi chiang ngam  lo, niin ZOnet JB chuan a tarlang.

Vawiin kangmei chhuakah hian chhiatna lian tham thleng a awm lo a, hliam tenau tawk chu awm mahse hliam na lutuk tuar an awm lo tih niin thulakna chuan a tarlang bawk.

Zanin dar 9 vel atang khan Bazar veng lam pawh a kang a awm niin thudawn a ni bawk.

* Serkawn ah vawiin khan In hnunglam rawn kang hman chu a awm a, chhungkua an inthiarchhuak nual bawk... tin, bazar veng ram chin ṭhelh mih vek a ni tawh a , ngaihṭha taka kan haw san hnu in zan in dar 8 vel kha a rawn kang thar leh a , In tan a hlauhawm avangin  zan in hian veng pum a hnatlang ṭhelh leh mek a ni.

# Saisih Ram kang ah Zohnuai Serkawn Zotlang chho a kang kai ṭan, Chawngfianga Memorial School, zohnuai pêng a awm pawh an inthiar chhuak mek a ni. 
Kâng ṭhelh tûrin ṭhalai an inko mup mup e

Post a Comment

11 Comments

  1. A tikang tu te hi manchhuak ngei se , ka va ti em. Ramngaw humhalh angaih tawh em em laia heti khawp a nasa a a kang ta mai hi chu a pawi takzet zet ani.

    ReplyDelete
  2. A pawi khawp mai ram kang chu,mawhphurtu chu phutawk ai a nasa a hrem chi a ni...

    ReplyDelete
  3. Aw Lalpa ka Pathian engkim ti thei, khawngaihtakin heng kangmei te hi min tih mih sak ang che, thawktu te zawng zawng Tanpui in Malsawm la I thil tihtheih zia Ron lantir turin kan dil a che. Amen

    ReplyDelete
  4. A va pawi em... Eng tak nghawg ang maw in tawgtaipui zel ang u

    ReplyDelete
  5. A va pawi tak em.. Lunglei mipui an khawngaihthlak hle mai. Ramsa engzat tak kang hlum ang maw. Thing leh mau etc. engzat tak kang chhia ang maw. A pawi a ni...

    ReplyDelete
  6. Thlalak ho han en phei hi chuan rilru ana thlawt ani..Tihtheih lah a tlem si...A bul berah chuan kan ngaw kan ram kan hmangaih tawk lo ..duhtawk chin lêm nei loin kan suasam nasa lutuk bawk a..kan ngaw pawimawh zia kan ngaihthah tual² a...a pawi em ani tih bak sawi theih kan nei silo...he thil thleng rapthlak hian...leitlangpui mi te chauh nilo zoram mipui te kan rilru sukthlek a thlak danglam ka beisei��

    ReplyDelete
  7. A pawi vawng vawng ani e, Lunglei lam unau te mangan tur zia ngaihtuah thiam pawh a har. Chutih laiin thlalak ṭhenkhat, ramsa kanghlum thlalak ni awm a upload khi Bandipur Ramkang a kanghlum zawk an ni a, mipui rilru thlabar sa tih thlabar belh anih loh nan thlalak upload ah fimkhur hram a va tha ve.

    ReplyDelete
  8. Ti thei kan neih sihlo avangin in tan kan raw tawngtai sak reng ang che u.tin kan pathian hian chakma pe zel che u raw se

    ReplyDelete

He post chungchanga i ngaihdan lo sawi ve rawh: