Bungtlang Soutth-ah In 14 kang; ran thahnem tak kang hlum

Bungtlang South Kangmei chhuak ah In 14, Vawk 8 leh Ar 25 a Kang

Aizawl | April 26, 2021: Nimin-a Bungtlang South kang-ah In 14, Vawk 8 leh Ar 25 a kang a. Bungtkang S tlawh tur hian nimin tlai 5:30 khan Lawngtlai atangin Bungtlang South panin Central YLA President HC Vanlalruatpuia hovin CYLA hruaitute an kal a. Dar 7:40 pm ah Bungtlang South hi an thleng a ni.


Kangmei chhuh tan dan:
Niminpiah chhun dar 11;00 atang khan Sairil lui (Sekulh lui) lam atangin Kangmei hi lo chhuak niin khawtlang hruaitute hian an sawi a. Kangmei thelh hna hi khawtlang mipui te'n an thawk nghal a. Tukin zing lam dar 3:00 thleng kangmei thelh hna an thawk ani. 

An thelh mit tawh ah in ngaiin an hawsan ta a. Bungtlang khaw hnuai Sekulh lam atangin Kangmei hi a rawn awm leh ta a. Tukin zing lam dar 10:00 velah kangmei thelh turin khawtlang mipuite an thawk chhuak nghal a.Thli a nasat em avangin duh angin an thelh thei lova. Fire Dept an awm lo bawk nen, tui duhthusam hman tur awm bawk si lo.Khawtlang mipuite'n theihtawp chhuahin kangmei thelh hna hi an thawk a.Ram lama kangmei thelh turin YLA member 200 dawn an fehchhuah hlanin, kangmei hian khawchhung lam hi a rawn man kai ta a ni. Dar 1:00 pm bawr vel khan Pu Vanlalnghaka  In, Bungtlang Vengthar (BDO Office Peng) chu kangmei hian a rawn man hmasa ber a.Hemi hnu hian In dang a man chhunzawm ta a ni. In kang ah hian Gas bur pali a puak bawk a, hei hian kangmei thelh hi a ti harsa hle bawk.

Lawngtlai District Bawrhsap Dr.Andrew H.Vanlaldika'n Bungtlang South mipuite'n kangmei an tawk tih a hriat veleh Fire Department lam te hrilh in Kang thelh motor hi a tir thla nghal a. Nizan dar 6:30 ah Bungtlang South hi an thleng a, an duty nghal a ni.

Lawngtlai District Bawrhsap hian Pu Lalbiakzauva,SDC leh Disaster Management lam atangin Pu Chhantea te thil thlen dan zir Chiang turin a tir thla nghal a ni. 

Lawngtlai District Bawrhsap aiawhin Bungtlang South BDO Pu Hmingmawizuala, MCS chuan Silpauline 40, Buhfai Quintal 5 leh Rs 10,000/- tun thil a hman atan a hlan bawk a ni.

Pu HC.Vanlalruatpuia chuan, Lawngtlai District chhungah kangmei a chhuak nasa hle a. Tun hnaiah T.Dumzau ah khawtlang mipuite'n kangmei nasa takin an tuar tawh a, pawi kan tiin kan tawrhpui hle a. Chutiang chuan vawiin ah pawh kan District chhung khaw hrang hrang ah kangmei a chhuak nasa hle a. YLA ten kan theihtawpin kangmei thelh na kawng kan thawk chhuak hlawm a. Branch YLA memberte chungah pawh lawmthu kan sawi bawk a. Chutiang chuan Bungtlang South mipuite'n hetianga kangmei nasa tak an tawk hi pawi kan ti a, CYLA chuan kan tawrhpui tak zet a ni, a ti a. CYLA atanga kan tih theih tam lo mahse,kan theih tawk a theihtawp chhuah pui zel kan tum ani, a ti bawk. Central YLA hian a tul anga hman atan Buhfai bag 3,Silpauline 2 leh Rs 5,000/- an hlan a bawk ani.

Pu L.Lalhmachhuana, Town Committee Chairman leh Bungtlang South Bialtu MDC nibawk chuan, Bungtlang South mipuite'n kangmei an tawk tih a hriat veleh Bungtlang South lam hi a pan thla nghal a. Khawtlang in kangmei nasa tak an tawk chu pawi a tih thu leh sorkar ang pawhin a tul ang anga hmalakpui a tum thu a sawi a.Kangmei tawk chhungkua leh hnatlanga a tul anga an hman atan Rs 10,4000 a hlan bawk ani.

Kangmei tawk chhungkua te (In kang zat)
1. Zoremmawia
2. Zingsanga
3. Randawa
4. Hc. Zoramliana
5. Hc. Sandokhupa
6. Transport Office
7. C. Vanlalnghaka
8. L. Chhandama
9. Chuanleiveli ( Chhimzuama & H. Vanlalnghaka) Chuanleiveli  in luahtute an ni
10. Chuanleiveli
11. Lalnunhlima
12. Nungliana
13. YMA Liabrary (A hnuai hi Lalramgospela'n a luah a ni) 
14. Vety check Post.

Post a Comment

0 Comments