COVID-19: Hri vangin ram pawnah mi pakhat boral

Aizawl | April 24, 2021: Pi Zasangi, Laipuitlang chu nizan dar 7:30 vel khan Tata Medical Centre, New Town, Kolkata-ah Covid-19 vangin a thi.
Kolkata-a Mizote hnen atanga thu dawn danin, Pi Zasangi hi chuap cancer a ni a, tun hnaiah zai a ni. A chuap zai a nih hnuah Covid-19 positive a ni tih hmuh chhuah a ni a, Nizan dar 7:30 khan a thi.

A ruang Aizawlah hawpui theih a nih dawn leh dawn loh hriat a la ni lo a, Mizoram House Joint Resident Commissioner, Calcutta Mizo Welfare Association leh Kolkata Mizo Students' ten an buaipui mek a ni.

COVID hripui avangin tunhnai hian Mizoram chhungah mi pahnih - Pi Ratna Gurung (54) Venghlui leh R. Lalmuanzova (34) Kanan Veng te, Mizoram pawnah mi pali - Rudy K. Lalhmingsangi (33) Khawruhlian, Melody Malsawmdawngzuali (27), Rev. V. Lawmkima (70) Venghlui leh Pi Zasangi, Laipuitlang te; an vaiin mi paruk kan chan ta!

April 21, 2021; dâr 10:15 am a boral ta, Rev. V. Lawmkima (70), Venghlui, Aizawl, tuna Burhanpur, Madhya Pradesh-a Missionary-a awm mek chu COVID-19 avangin All Is Well Hospital, Burhanpur-ah a boral a. A ruang vui dan turah Indore Mizo Welfare ten buaipuiin Kanapur Mission Compound-ah vui (phum) a ni.

Rev. V. Lawmkima hi Mizoram Presbyterian Kohhran hnuaiah Pastor hna thawka a pension hnuah Thlarau Bo Zawngtute (TBZ) hnuaiah Missionary hna thawk zui lehin, TBZ Mission Field, Madhya Pradesh-ah Field Secretary hna a thawk a. A nupui Pi Lalrinpuii pawh Covid positive avangin damdawiin-ah enkawl mek a ni bawk.

Post a Comment

0 Comments